Euskara praktikatzeko helburuarekin, modu sortzaile, adierazkor, ez-sexista eta ludikoan, Ermuako Udaleko Euskara zerbitzuak 17. Piropoen Lehiaketa deitu berri du. Haur, gazte eta helduei zuzendutako ekimen dibertigarri honetan parte hartzeko epea martxoaren 8an amaituko da.
Lehiaketa hiru kategoriatan banatzen da: 15 urtetik beherakoak, 15 eta 17 urte bitartekoak eta adin nagusikoak. Ekimenean parte hartzeko, nahikoa da euskaraz idatzitako piropo proposamenak euskara@udalermua.net helbidera bidaltzea, adina eta harremanetarako datuak adieraziz.
Sariei dagokienez, kategoria bakoitzean irabazle bat aukeratuko da. Horrela, 5 urtetik beherako parte-hartzaileak, 50 euroko erosketa-txekea irabazteko aukera izango dute; 15-17 urteko parte-hartzaileak, 80 euroko erosketa-txekea eta adin nagusiko parte-hartzaileak, Donostiako La Perlan forma-jartze zirkuitu baterako bonua, talasoterapia zirkuituarekin, aromaterapia masajearekin eta bi pertsonentzako dastatze menuarekin.
Besteak beste, epaimahaiak originaltasuna eta sormena baloratuko ditu.
