Bilboko Udalak antzerkia auzoetara hurbildu du berriro

Bilboko Udalak antzerkia auzoetara hurbilduko du berriro 2023 honetan. Izan ere, Bilboko Zirkuituaren XXIII. demboraldia urtarrilaren 12an jarriko da martxan. Aurten parte hartzen duten obra guztiak, bi izan ezik, programatuko dira lehen aldiz programa honetan.

La Pacheca Collective “A solas con el Emérito” lanarekin; Las Klownkis “Ya pasó” lanarekin; Libélula Teatro “Conversaciones con mamá” lanarekin; Skené Teatro “La casa de Bernarda Alba” lanarekin; Kamerino Teatro “La felicidad no está en los mapas” lanarekin; Amets Bete “Pareja abierta” lanarekin; La Companyia Del Bac “Kiero ser vasco: ¡palabra de catalán!” lanarekin; eta Luna Llena “¡Porque me oprime el corsé!” lanarekin. Edizio honen parte izango dira, halaber, mikroantzerkiko proposamenak: Potemkin-Erein Kolektiboaren “Esto ha venido para quedarse”, Kásperle Teatroren “El diablo moderno”, eta Resisten Cía-ren “Larvä”, dira 2023 honetan Bilboko Zirkuituan parte hartuko dutenak.

Hainbat udal-gunetan (Altamira, Basurtu, Begoña, Errekalde, Otxarkoaga, San Frantzisko eta Zorrotzako Udaltegiak eta Solokoetxe Institutua), eguenero, maiatzaren 11ra arte, sortzaile berrien lana erakutsiko da, eta uriko antzerki-taldeek bilbotarrengana eramango dituzte beren proposamen eszenikoak, dohainik.

2023an, Bilboko Zirkuituan parte hartzen duten obra guztiak programatuko dira lehen aldiz programa honetan, Potemkin eta Erein Kolektiboaren antzerki laburreko piezak izan ezik. Horiek berriz programatuko dira San Frantziskon (urtarrilak 26) eta Errekalden (maiatzak 11), aurreko edizioan izan zuten arrakasta dela eta.

Obren informazio guztia Bilboko Udalaren webgunean aurkitu daiteke.