Egunek aurrera jarraitzen dute eta Korrikak ere bai. Euskararen aldeko lasterketak Bizkaia zeharkatzen jarraitzen du bere zortzigarren egunean. Ostegun osoan bizkaitar lurraldetk ibiliko da. Bermeora heldu da goizeko 1:30etan, eta Leioara 8:30tan. Bertan, haurrek eta adinekoek kaleak eta espaloiak bete dituzte euskararen alde.
Bilbora arratsaldeko bostak aldera iritsiko da Korrika eta eguna Ortuellan amaituko dute korrikalariek. Ostiralean, azkenik, Bizkaian jarraituko dute goizeko bostetara arte. Bisitatuko duten azken herria Gordexola izango da. Lasterketa 35 orduz egongo da Bizkaian, euskararen aldeko aldarrikapena lurraldeko puntu guztietara eramanez.
