Sestaok 16 zuhaitz landatuko ditu Pablo Sarasate kalean

Eremuan segurtasuna eta irisgarritasuna hobetze aldera,Sestaoko Udalak Pablo Sarasate kaleko espaloi-tartea berrituko du, zehazki txakurgunearen eta Ángela Figuera institutuko sarreraren tartea, espaloia oso hondatuta baitago lehendik dauden zuhaitzen adarrak haztearen ondorioz. Lanak datorren astelehenean hasiko dira, uztailaren 6an.

Lanak hasteko zortzi zumar moztuko dira, haien egoera fitosanitarioak bideraezin egiten baitu kontserbatzea eta udalerriko beste puntu batera eramatea. Lorezaintza eta berdeguneen mantentze-lanetako zerbitzuak egiaztatu du ale horiek oso gaixo daudela intsektuen izurritea dela eta. Pixkana ahuldu ditu, eta joan den neguko egun haizetsuetan zenbait adar handi askatu eta kalean aparkatuta zeuden ibilgailuen gainean erori ziren.

Pertsona eta ondasunen segurtasunerako kalte hori arriskutsua izateaz gain, zuhaitz horien sustraiek dagoeneko ez dute nahikoa espazio garatzen jarraitzeko, eta espaloia altxa eta hautsi da. Inguruabar hori dela bide, ezinbestekoa da zuhaitzak ordeztea eta zoladura oso-osorik berreraikitzea.

Zuhaitzak kentzen direnean, eraginpeko espaloi-tartea eraitsiko da eta berria eraiki. Berriaren diseinuak utziko du zuhaitzak eta oinezkoen eremua hobe bizitzea elkar.

Obrak

Jarduketaren barruan, Udalak berdeguneen presentzia indartuko du ingurunean.​ Zuhaitz berriak Ángela Figuera institutuko hesiaren ondoan ipiniko dira. Izan ere, kokapen hori egokiagoa da hazkuntza sustatu eta urteak igaro ahala sustraiek berriz ere espaloia ez hondatzeko.

Esku-hartze honi esker, Sestaoko Udalak segurtasun- eta irisgarritasun-arazoa ebatzi nahi du, eta, aldi berean, eremuko zuhaitz-ondarea berritu eta hobetuko du zuhaitz gehiago landatuz eta etorkizunean garatzeko hobe planifikatuz.