Hondakinak biltzeko eta garbitzeko ibilgailu berriak ditu Sestaok

Inbertsio sendoa egin berri duSestaoko Udalakherria garbitzeko eta hondakinak biltzeko zerbitzua indartzeko. 2024aren amaieran, kontratu bat sinatu zuen Udalak, zerbitzuaren kalitatea hobetzeko helburuarekin. Bada, oraingo honetan, ibilgailu berriak aurkeztu ditu.

Kontratuak zenbait nobedade ditu, eta pixkana ezarriz joan dira. Hala, paperontzi berriak instalatu dira, edukiontziak aldatu dira, edo zerbitzu osagarriak abian jarri dira. Azpimarragarriak dira garbigune mugikorra, aste honetan Conde Balmaseda plazan kokatuta dagoena, eta ibilgailu berriak.

Baliabide berriak mailakatuta sartu dira azken hilabete hauetan azkeneko unitateak iritsi direnera arte. Zerbitzuetako zinegotzi den Rosa del Palaciok nabarmendutakoaren arabera, “ibilgailu berriak modernoagoak, efizienteagoak, jasangarriagoak eta isilagoak dira. Horri esker, garbiketa-lanak eraginkortasun handiagoaz egingo dira udalerrian”.

Hala berrituz, berrikuntzaren eta zerbitzu publikoa nahiz plantillako lan-baldintzak hobetzearen aldeko apustua egin da. Inbertsio hau dela bide, Udalak konpromisoa indartu du hirigunea zaintzearekin eta herritarren ongizatea areagotzearekin.

Halaber, Udalak lankidetzarako deia luzatu die herritarrei, udalerria garbia manten dadin, eta, horretarako, gizatasuna, erantzukizuna eta konpromiso pertsonala eskatu dira, Sestao norberaren etxearen antzera zaintzeko.

Garbiketako ibilgailuak

Bide-garbiketako eta hondakin-bilketako zerbitzurako hona hemen erabiliko diren ibilgailuak:

• Albotik jasotzen duten 3 kamioi honako hondakin hauek biltzeko: errefusa, organikoa, ontziak eta kartoia.
• 2 zisterna-kamioi urarekin garbitzeko espaloiak eta galtzadak.
• 1 kamioi estolderia mantentzeko.
• 1 kamioi besoarekin eta elurra kentzeko gailuarekin altzariak biltzeko.
• 1 kamioi edukiontziak eramateko.
• Atzetik biltzen den 1 kamioi merkataritzako hondakinak eta sastrakak biltzeko.
• 1 kamioi edukiontziak garbitzeko.
• 1 garbiketa-makina espaloiak garbitzeko.​
• 1 erratz-makina galtzadarako.
• 1 erratz-makina elektriko.
• 1 CityCat erratz-makina.
• 1 kamioi urezko garbigailuarekin hiri-altzarietarako.
• 5 ibilgailu elektriko, horietako bi ur-sistemaz hornituta, kaleak errazteko.

Ibilgailu berri horiei esker,Sestaoko Udalak zerbitzu eraginkorragoa, jasangarriagoa eta modernoagoa eskaini ahal izango du, udalerrian garbiketa hobetzearen aldeko konpromisoari eusten jarraitzeaz gain.

Gorka Álvarez alkateak azaldu du ibilgailuak eta makineria berritzearekin “beste urrats bat egin dugula zerbitzuaren etengabeko hobekuntzan. Duela denbora asko hasi ginen eginkizun horretan jakitun izanik zerbitzua hobe daitekeela, beraz, hartan lanean dihardugu”.