Euskaraz proiektatuko den 'Itoiz Udako sesioak' dokumentala, 'Maria Callas' drama biografikoa, 'Mikaela' akziozko thrillerra eta marrazki bizidunen 'Azerik eta Erbik basoa salbatzen dute' izango dira Ermua Antzokiak aste honetan eskainiko dituen filmak.
Osteguneko zineklubak ‘Itoiz Udako sesioak’ dokumentala proiektatuko du 20:30etan. Larraitz, Zuri Goikoetxea eta Ainhoa Andrakak elkarlanean zuzendutako lana da, 2024an estreinatua. Euskaraz eskainiko da, jatorrizko bertsioan, gaztelaniazko azpitituluekin. 95 minutu irauten du. ‘Itoiz’ talde mitikoaren zinta ahaztuak aurkitzeak eragin katalizatzailea du Juan Carlos Pérezengan, eta, ondorioz, urruneko iragana iruditzen zaionari .
Zinema komertzialaren atalean, larunbatean 19:30ean eta astelehenean 20:30ean, hurrenez hurren, ‘Maria Callas’ opera-abeslariari buruzko drama biografikoa ikusi ahal izango dugu, Pablo Larrainek zuzendutako lana. Aktore protagonista Angelina Jolie da. Filmak bi orduko luzera gainditzen du eta argazki onenaren sarirako izendatuta dago Oscarretan. Munduko opera-abeslari garrantzitsuenaren bizitzaren historia iskanbilatsu, eder eta tragikoa, hirurogeita hamarreko hamarkadako Parisen bere azken egunetan berpiztu eta irudikatua.
Asteko bigarren proposamen komertziala Daniel Calparsororen ‘Mikaela’ ekoizpen espainiarra da. 90 minutuko akzioan garatzen den akziozko thriller bat. Aktore taldean, besteak beste, Antonio Resines, Natalia Azahara, Roger Casamajor eta Adriana Torrebejano ditugu. Errege egunaren bezperan, aurrekaririk gabeko elur-erauntsi batek Espainia isolatzen duela kontatzen du zintak. Itxitako autobide baten kaosaren erdian, lapur talde bat aukera baliatzen ari da furgoi blindatu bat erasotzeko. Larunbatean 22:00etan eta igandean 19:30ean ikusi ahal izango dugu.
Azkenik, igande arratsaldeko 17:00etan gazteenentzako saioan, 'Azerik eta Erbik basoa salbatzen dute' marrazki bizidunen zinta euskaraz ikusteko aukera izango dugu. Macha Halberstad errealizadorearen Herbehereetako ekoizpena da. Basoan gertatzen diren abenturak biltzen ditu lan honek. Hontza desagertu egin da, arratoi bihurritu batzuek izututa dauzkate bizilagunak eta aintzira batek gainezka egin du, etxeak urez betez. Dena Castorren lana izan daiteke? Azerik eta Erbik aurkitu nahi dute.
