Hamabi urtez erabili ondoren, Durangoko Udalak Turismo Bulegoan eskaintzen den ibilbide audiogidatuko baldosak ordezkatzeko erabakia hartu du, narriadura-egoera zela eta ez baitzuten beren funtzioa behar bezala betetzen.
'Kontaidazu Durango' ibilbide audiogidatuak esperientzia paregabea eskaintzen du herriko kaleetan zehar, bisitariei eta turistei Durangoko historia eta ondarea modu atsegin eta irisgarrian ezagutzeko aukera emanez. Zerbitzu honek, interes historiko eta kulturaleko puntuei buruzko informazio garrantzitsua eskaintzen du hainbat hizkuntzatan eskuragarri dauden audioen bidez: euskara, gaztelania, katalana, ingelesa, frantsesa eta alemana.
Bisita audioguiatuak 14 geltoki ditu, eta leku enblematikoak hartzen ditu: Lariz Torre, Santa Ana plaza, Udaletxea, Sanagustinalde, Ezkurdi plaza, Andra Maria kalea, Uribarriko Santa Maria basilika, Kurutziaga kalea, Turismo bulegoa/Kurutzesantu museoa, Kalebarria, Balbino Garitaonaindia plaza, Santanoste, Pinondo plaza eta Tabira. Ibilbideak ordubete eta hamabost minutu inguruko iraupena du, eta ezin hobea da banaka, bikoteka, familian edo taldean egiteko.
Turismo Bulegoak plano turistiko bat eskaintzen du, eta bertan adierazten dira baldosa gorri berriekin seinaleztatutako geltokiak, eta audioak WhatsApp bidez lor daitezke. Halaber, audioak Durangoko turismoaren webgune ofizialean daude eskuragarri.
Udalak interesa duten pertsona guztiak gonbidatzen ditu 12 urtetik gorakoentzat gomendatutako doako jarduera honetaz gozatzera eta Durangoko historia aberatsa ezagutzera, paseatzen eta bere ondareaz gozatzen duten bitartean. Informazio eta erreserba gehiago nahi izanez gero, bisitatu webgune hau: Ibilbide Audiogidatua Durango.
