Korrika Bizkaiara heldu da asteazken goizean.10:30etan, 'Haro Herri' lelopean, Mallabiatik sartu da, eta, hamar kilometro Bizkaia barruan egin ostean, Gipuzkoara irten da. 15:00retan Bizkaiara sartu da berriro, Ondarroatik, non ehunka lagunek euskararen aldeko lasterketa erraldoian parte hartu duten.
Ondarrutik, Markinara joango dira egunean zehar. 19:36etan Lekeitiora helduko dira korrikalariak eta eguna Gernikan bukatuko dute. Ostegunean, berriz, Korrikak Bizkaitik jarraituko du, Bermeo izanik lasterketak bisitatuko duen lehenengo herria. Hori, ordu batak aldera izango da, momentu horretan, ehunka lagun arituko dira korrika, jai giroan, euskararen alde nekatuta egon arren.
Bilbora arratsaldeko bostak aldera iritsiko da Korrika eta eguna Ortuellan amaituko dute. Ostiralean, azkenik, Bizkaian jarraituko dute goizeko bostetara arte. Bisitatuko duten azken herria Gordexola izango da. Lasterketa 35 orduz egongo da Bizkaian, euskararen aldeko aldarrikapena lurraldeko puntu guztietara eramanez.
