BILBO. Artxandako funikularrak doako bisita gidatuen programa antolatu du, instalazioak ikusteko, lehen mendeurrenarekin bat eginda. Programa larunbat honetan hasiko da, otsailaren 6an, eta urrira arte iraungo du, larunbatero, 11:30ean izango da.
Bilboko Udaleko iturriek jakinarazi dutenez, gehienez 30 pertsona egongo dira talde bakoitzean, eta aldez aurretik erreserba egin beharko da 010 edo 94 401 00 10 telefonoetara deituta, 08:00etatik 20:00etara bitartean.
