Bi atxilotu kamioietatik gasolioa lapurtzeagatik

trapagaran- Ertzaintzak eta Trapagarango Udaltzaingoak 28 eta 21 urteko bi gizonezko atxilotu zituzten igande arratsaldean, ustezko indarrezko lapurreta delitu bategatik. Atxilotuak Trapagarango Aparcabisa industrialdean dagoen enpresa baten aparkatuta zeuden kamioietatik gasolioa lapurtzen ari zirela harrapatu zituzten. Gertakariak igande arratsaldeko 17:20an izan ziren, Trapagaranen. Ordu horretan, Sestaoko ertzain etxeko zenbait patruila herri bizkaitarreko Aparcabisa industrialdera joan ziren, Udaltzaingoak jakinarazi baitzien zenbait lagun gasolioa lapurtzen ari zirela enpresa baten barruan aparkatuta zeuden kamioi batzuetatik. Tokian zirela, ertzainek udaltzainetako batekin hitz egin zuten, eta harek ustezko lapurren deskribapena eman zien. Ertzainek ikusi zuten susmagarrietako bat autobidera sartzeko adarrean zegoela, eta, poliziak ikustean, hesia saltatu zuela industrialdearen barnealderantz. Indarkeriazko lapurreta delitu bat egotzi zieten atxilotutako bi gizonei. - DEIA