Abuztuaren 20tik irailaren 6ra

Euskalduna Jauregiak '¿Cómo hemos llegado a esto?' antzezlana jasoko du

03.08.2020 | 20:14

BILBO. Abuztuaren 20tik irailaren 6ra bitartean, Maribel Salas, Gemma Martínez, Gorka Mínguez eta Mitxel Santamaría Euskalduna Jauregian izango dira David Caiñak eta Gorka Minguezek berak zuzendutako '¿Cómo hemos llegado a esto?' antzezlanarekin. Obra horren estreinaldia Euskalduna Jauregiko 0E aretoan eszenaratuko da. Sarrerak salgai daude dagoeneko- 22 euroan erosi ahal dira, kudeaketa gastuak barne, eta ohiko kanalen bitartez eskuratu ahal izango dira.

"¿Cómo hemos llegado a esto?" maitasun hiruki bati buruzko komedia da. Hiruki horretan bakoitzak bere bertsioa du, eta ikus-entzuleek bertsio hori entzun dezaten borrokatuko da. Hiruki horretan denek dituzte minduta sentitzeko arrazoiak, baina inork ez du inori ezer aurpegiratzeko eskubiderik.

Antzezlanak Elenaren istorioa kontatzen du. Bere adiskide onenak, Albak, ez du Lehenengo Agindua bete: ez zara zure adiskideen bikote ohiekin modu sentimentalean edo sexualean inplikatuko. Edo agian ez da horrela izango. Agian, Elenaren, bere lagun onenaren, senar ohiarekin maitemintzea saihestu ezin izan duen Albaren istorioa kontatuko du. Baina, agian, Emilioren istorioa kontatuko du. Iraganean emakume batekin maitemindu zen, une honetan beste batekin maitemindu da, eta orain ezkutuan gorde behar du, Lehenengo Agindu hori dela eta.
#KreoEnTiKultura: 5 euroko beherapena sarrera bakoitzean, https://ticket.kutxabank.es/kreoenti/public/janto/# webgunearen bitartez erosten bada. Aplikagarri soilik uztailean, abuztuan eta irailean egingo diren tokiko ikuskizunetarako.