Otsailaren 10ean ospatuko dira Muskizko inauteriak

Muskizko Udalak ezagutzera eman du aste honetan otsailaren 10ean ospatuko dituela bere ohiko inauteriak. Udaleko Kultura Sailak eta Muskizko Emakumeen Elkarteak antolatutako programa 17:30ean hasiko da, Geltokiko aparkalekutik jaisteari hasiera emango zaionean. Ibilbidea Meatzari plazan amaituko da eta bertan sari banaketa eta diskofesta egingo dira 22:00ak arte.

Guztira 1.920 euro banatuko dira saritan kategoria ezberdinetan. 9 pertsona edo gehiagoko taldeentzat 600 euro erabiliko dira lehen postuan geratzen denarentzat, eta 400 eta 200 € bigarren eta hirugarrenarentzat, hurrenez hurren. Hortik aurrera, hamargarren posturaino 60 euro jasoko dituzte. Bestalde, banakako sariek eta gehienez 8 laguneko taldeek 100 € jasoko dituzte lehen sariaren kasuan, eta 80, 50, 40 eta 30 hurrengo lau sarietarako.

Inskripzioak

Lehiaketan parte hartu nahi duten 9 pertsona edo gehiagoko taldeek otsailaren 6ra arte eman beharko dute izena Gaztegunean. Gainerako parte hartzaileek ez dute aldez aurretik izena eman beharrik. Epaimahaia Emakumeen Elkarteko kideek eta antolakuntzako kideek osatuko dute, eta mozorroaren originaltasuna balioetsiko du, baita mozorroa egitea, animazioa eta mozorroaren osagarriak ere. Jaitsieran ibilgailuak erabili ahal izango dira, baina Meatzari plazara ezin izango dira sartu.

Euria edo eguraldi txarra egiten badu, mozorroen jaitsiera ez da etengo, eguraldiaren egoera oso txarra ez bada behintzat. Kasu horretan, izena emandako talde guztiei telefonoz jakinaraziko litzaieke, eta pertsona guztiei megafoniaz.