EH Bilduko Amorebieta-Etxanoko bi zinegotzik epearen azken egunean helegitea aurkeztu ondoren, Urgozo kiroldegi berria eraikitzeko lanen hasiera atzeratu daitekeela ezagutarazi egin du astearte honetan goizean Udalak.
Sei urteko prozesu luze baten ondoren, azkenik, 2023ko otsailaren 24ko Osoko Bilkurak Urgozo eraikitzen hasteko aukera emango zuten obren esleipena onartu zuen. Azpiegitura oso garrantzitsua da, eta Amorebieta-Etxanoko ikastetxeetako ikasleen, kluben eta elkarteen beharrak asetzen ditu. Proiektua haien guztien lankidetza estuarekin gauzatu da.
Errekurtsoa KEAOren esku dago orain, Euskadiko Kontratuen inguruko Errekurtsoen Administrazio Organoaren esku, erakunde honek baitu lehiaketa publikoen arloko gatazkak ebazteko eskumena.
Amorebieta-Etxanoko Udalak espero du gatazka honen aldeko ebazpena ahalik eta lasterren ematea, Urgozoko obrak behin betiko has daitezen. Hala, azpimarratu du Urgozoko kiroldegia bezalako azpiegitura bat eraikitzeak urrats administratibo eta teknikoen prozesu luzea dakarrela berekin, eta horiek guztiak zorrotz egin direla.
Kirol instalazio berria
Kirol-instalazio berria Betarraganen egongo da, eta erreferentziazko zentroa izango da kirola eta estalpeko jarduerak egiteko. Urgozok 3.574 metro koadroko ekipamendua izango du, eta saskibaloiko kantxak, 1.000 pertsona baino gehiagorentzako harmaila zabalak, erabilera anitzeko hainbat espazio, hamar aldagela eta hainbat biltegi izango ditu.
Bestalde, Amorebieta-Etxanoko Udalak jakinarazi du EH Bilduko zinegotzi eta bozeramaileak aukerako berraztertze-errekurtsoa aurkeztu duela Hiri Antolamenduko Plan Orokorrarekin (HAPO) lotutako hiru kontratu txikiren esleipenaren aurka. Dagozkion udal-txosten teknikoen ondoren, honen inguruko ebazpena jaso da.
Amorebieta-Etxanoko Udala harrituta dago Udalaren beraren ohiko jardueraren aurrean aurkeztutako azken orduko errekurtsoekin, udal teknikarien lana eta profesionaltasuna zalantzan jarriz.
