'Haizetan dantzan' kontzertua jasoko du Areatzako Kioskoak
Ostiral honetan, arratsaldeko 19.00etan, Areatzako Kioskoak Bilboko Udal Musika eta Txistulari banden 'Haizetan dantzan' izeneko kontzertua jasoko du.
40 musikari inguruk osatzen duten Bilboko taldea José Rafael Pascual-Vilaplana zuzendari titularrak gidatuko du. Bestalde, Gorka Zabaleta izango da txistularien boskotea zuzentzeko ardura izango duena.
Bi taldeek erromeria herrikoi batekin Areatzara hurbilduko diren ikusentzuleak entretenitzen saiatuko dira. Erromeria horretan, betiko abestiak Bilboko Beti Jai Alai dantza taldearen dantza tradizionalekin uztartuko dituzte. Bertaratzen direnek euskal kantu tradizionalez gozatzeko aukera izango dute, hala nola, “Ikusi Mendizaleak”, Timoteo Urrengoechearen “Zarra, Zarra, Zarra!!!”, Josep Vicent Egearen “Agur Jaunak” eta Joselu Ruiz de Gordoaren “Basoko deia”.
Bilboko Udal Musika Bandaren hurrengo hitzordua maiatzaren 26an izango da, “Bandarekin bidaiatzen” izenekoa, 12:00etan, Areatzako Kioskoan. Bestalde, Bilboko Txistulari Bandak bere ohiko kaljirekin jarraituko du. Hala, maiatzaren 20an, larunbata, Urezirlazatik (Uretamendi) eta Julian Gayarretik (Txurdinaga) ibiliko dira, 11:30etan eta 12:30etan, hurrenez hurren.
Beti Jai Alai Dantza Taldea
Euskal dantzek Bilboko hirian izan dute bilakaeraren testigu paregabea da Beti Jai Alai dantza taldea. 1968 urtean sortu zenetik, Bilboko Basurto auzoan kokatua, Euskal dantza, ohitura eta errituak ikertzera, gordetzera eta zabaltzera bideratu du beren egitekoa.
Esaterako, Bilboko 4 estanpa irudikatu zituen bere 40. urtemuga ospatzeko: Bilboko noble eta handikien jaiak XVI. mendean, Corpus Christi jaiak XVII eta XVIII mendeetan, Bilboko Inauteriak XIX eta XX mendeetan eta Bilboko eta inguruetako erromeria eta aurreskuak.