Bidebarrietak 'Castillos de fuego' liburuaren aurkezpena jasoko du

Datorren asteartean, otsailak 28, arratsaldeko 19.00etatik aurrera, Ignacio Martínez de Pisón idazlea izango da Bidebarrieta Kulturgunean 'Castillos de fuego' izeneko bere liburu berria aurkezten. Ekitaldia liburutegiko areto nagusian egingo da, eta bertan izango da Txani Rodríguez idazlea, liburuaren egilearekin batera.

'Castillos de fuego' liburuak irakurleak Madrilen kokatzen ditu, 1939-1945. Askok eta askok aurrera egiteko borroka egiten dute, goseak, nekeak eta estraperloak markatutako hiri batean. Eloy, kartzelan dagoen anaia heriotza-zigorretik salbatzen saiatzen den gazte elbarria; Alicia, bere bihotzari jarraitzeagatik lana galtzen duen zinema bateko lehiatzailea; Basilio, garbiketa-prozesu bati aurre egiten dion unibertsitateko irakaslea; Matias falangista, konfiskatutako objektuekin trafikatzen duena, edo Valentin, bere aurreko militantzia garbitzeko edozein doilorkeria egiteko gai dena. Jostunak, ikasleak, poliziak: pertsona arrunten bizitzak aparteko denboretan.

Ignacio Martínez de Pisón (Zaragoza, 1960) hamabost liburu baino gehiago idatzi ditu, eta horien artean nabarmentzekoak dira: “El día de mañana” (2011; Kritikaren Saria, Ciutat de Barcelona Saria, Aragoiko Letren Saria, Hislibris Saria), “La buena reputación” (2014; Narratiba Sari Nazionala, Urteko Liburuaren Cálamo Saria) eta “Derecho natural” (2017). “Enterrar a los muertos” (2005) saiakera; “Aeropuerto de Funchal” (2009) kontakizun-liburua; eta “Filek” (2018) ez-fikziozko eleberriak ere argiratu ditu.

Bidebarrieta Kulturgunea Bidebarrietako Liburutegiaren barruan kulturari eskainitako gunea da. Bere helburuen artean kultura, literatura eta zientzia garatu eta sustatzea dago. Hitzordu honetarako sarrera doakoa da eta sarrera librea izango da lekua bete arte. Bertaratzerik ez badago, aurkezpena streaming bidez jarraitu ahal izango da Bidebarrieta Kulturgunearen YouTubeko kanalean.