Los Inocentes sagako seigarren eleberria aurkeztuko da Bidebarrieta Kulturgunean. Datorren ostegunean, iralailak 14ean izango da, eta bertan María Oruña egilea izango da. Bilboko Udaleko Bidebarrieta Kulturguneak Oruñaren eleberri berriaren aurkezpena hartuko du arratsaldeko 19:00etatik aurrera, sarrera librearekin.
Los Inocentes Los libros del Puerto Escondido seriearen kasu berria da, 1.000.000 irakurle baino gehiago dituena. “Sagako seigarren eleberri honetan bi aste falta dira Valentina Redondo tenientea eta Oliver Gordon ezkontzeko. Prestaketen erdian, Puente Viesgoko bainuetxe kantabriar ospetsuaren Templo del Agua izandako atentatu masibo baten albisteak harritzen ditu. Hainbat enpresaburuk hartu dituzte ur-paradisu idilikoaren instalazioak, eta, lehen zantzuen arabera, arma kimiko arriskutsuak erabili dituzte sarraskirako. Valentinak armadarekin eta UCOko talde batekin lan egin beharko du krimena konpontzeko”.
María Oruña (Vigo, 1976) galiziar idazlea da, txikitatik Kantabria maiz bisitatzen duena. Bertan, "Los libros del Puerto Escondido" eleberri saila girotu du. Misteriozko istorio horietan guztietan, Kantabriako paisaiak eta Valentina Redondo tenientearen taldea dira protagonistak, ehunka mila irakurleren miresmena bereganatu baitu. El bosque de los cuatro vientos ere idatzi du, sagatik independentea den bere lehen liburua, egilearen jaioterriko Galizian girotua. Bere eleberriak alemanera, frantsesera, italierara eta portugesera itzuli dira, besteak beste.
Bidebarrietako Kulturgunea Bidebarrietako Liburutegiaren barruan kulturari eskainitako gunea da. Bere helburuen artean kultura, literatura eta zientzia garatu eta sustatzea dago. Hitzordu honetarako sarrera doakoa da eta sarrera librea izango da lekua bete arte. Bertaratzerik ez badago, aurkezpena streaming bidez jarraitu ahal izango da Bidebarrieta Kulturgunearen YouTubeko kanalean.
