CEAR-Euskadik eta EHUk Hegoaldeko Mugako emakume iheslariekiko indarkeriaren inguruko kongresua antolatu dute
Garapenerako Lankidetzaren Euskal Agentziaren eta Bizkaiko Foru Aldundiaren laguntzarekin egingo da ekitaldia
BILBAO. CEAR-Euskadik, EHUrekin batera, "Mugak gurutzatzen dituzten bizitzak. Hegoaldeko Mugari buruzko analisi feminista bat" izeneko kongresua antolatu du. Ekitaldia urriaren 3an eta 4an ospatuko da Bizkaia Aretoko Mitxelena aretoan.
Oraindik garatzen ari den proiektu baten emaitza da kongresu hau, eta emakume iheslariek Hegoaldeko Mugan pairatzen dituzten genero-indarkeriak dokumentatu, bistaratu eta nabarmendu nahi ditu. “Saharaz hegoaldeko emakumeek espainiar Estatuaren eta Marokoren artean bizi duten egoerari heldu nahi izan genion, gero eta gehiago baitzetozen gure bulegoetara, eta haiek esandakoetatik ezagutu dugu bi herrialdeen arteko migrazio-politikek nola eragiten dieten gorputzean eta bizitzan”, adierazi du Beatriz de Lucasek, CEAR-Euskadiko Intzidentzia eta Parte-hartze Sozialeko lantaldeko kide eta proiektuaren koordinatzaile denak.
Jatorrian bizi duten eta ihes eginarazten dien indarkeriaz gain, emakume izateak ahulago egiten ditu, eta jatorrian, bidean eta helmugan jasaten duten indarkeria areagotu egiten da. Sexu- edo ugalketa-indarkeriaz ari gara, edo sexu- eta/edo lan-esplotaziorako salerosteaz, besteak beste.
Ana Ferri ere proiektu hau aurrera daraman CEAR-Euskadiko lantaldeko kidea da, eta berak dioenez, “emakume hauek aurre egin diote beren herrialdetik irten eta hona hel ez daitezen antolatutako sare polizial eta militar bati. Hainbat muga zeharkatu eta indarkeria ugari eta inpunitatea jasan dute eta, beraz, bizirik atera diren emakume moduan bistaratu behar ditugu, sistema arrazista, heteropatriarkal bati pultsua egin eta aurrera atera direla, oztopoak oztopo”.
Estatuan, tokian-tokian eta bidean migratzaileei eta errefuxiatuei laguntzen dieten erakundeak elkartuko dira kongresuan. Bertan bilduko dira giza eskubideetan, feminismoan eta nazioarteko babesean espezializatutako erakundeak ere, eta hainbat taldek eta adituk jorratuko dute, maila teorikoan, mugek zer ondorio dituzten emakumeen gorputzetan eta bizitzetan.
Más en Sociedad
-
‘Cosmeticorexia’: adolescentes adictas al cuidado facial (y al bisturí)
-
Ikasle Abertzaleak convoca acampadas por Palestina en los campus del País Vasco y Navarra
-
Detenido un menor al usar en una red social un programa de IA y manipular unas fotos de una conocida en Palma
-
El Gobierno vasco defiende que las familias numerosas son "la garantía del futuro y transmisoras de valores humanos"