BILBO. Arkote B eta Fortuna taldeak izan dira garaile Arraunlari Beteranoak Bilbao erakundeak antolatutako beteranoen traineruen Garbiker trofeoaren lehenengo edizioan. Santurtziko uretan jokatu egin da arraunlari beteranoei berriro lehiatzeko aukera emateaz gain, helburu solidarioa izan duen txapelketa txiki honek. Garbikerrek txapelketa hau antolatu nahi izan du hondakinen kopurua murrizteko premia sustatzeko, guztion artean Bizkaia jasangarriago bat lor dezagun. Estropaden jardunaldi berezi hau atzo arratsaldean hasi zen, hilak 18, eta gaur goizean amaitu egin da, eguerdia aldera.
Arkote B trainerua izan zen garaile atzo arratsaldean. Bestalde, Fortuna taldea izan da gaur goizeko txapelduna; biek jokatu dituzte ziaboga bakarreko erlojuaren kontrako probak, 2.000 metroko ibilbidearekin. Iñigo Bikandi Garbiker sozietateko zuzendariak banatu die Garbiker bandera traineru txapeldunei. Trofeo horren bitartez beteranoan kirolaren balioa eta Bizkaia berdeago baten aldarrikapena uztartu nahi dira, hondakin gutxiago sortzea sustatuz.
Estropada hauek Beteranoen Lehenengo Arraun Topaketa ordezkatzeko jokatu dira. Topaketa apirilaren 25erako programatu zen, baina bertan behera geratu zen COVID-19ak eragindako osasun-larrialdiaren egoeragatik. Antolatzaileek (Arraunlari Beteranoak Bilbao), orduan, beste aukera bat bilatu nahi izan zuten arraunaren kirolaren ezaugarrien balioak aldarrikatzeko; izan ere, euskal kultura eta tradizioan errotuta dagoen kirola da, eta herritar guztien esku jarri nahi izan dute.
