Azkenengo urteetan egin ohi izan denez, Ermuak 'Berbetan' jardunaldien ospakizunak hartuko ditu aurten ere. Aurtengoa XXI. edizioa izango da, 1999. urtetik ospatu baita jarraian, etenik egin gabe. Jardunaldi horietan euskararen ezagutza eta erabilerarekin lotura dituzten gaien inguruko hitzaldi eta mahai inguruak antolatzen dira. Eskolabarri ikastetxea, Anaitasuna Ikastola, AEK euskaltegia, Udal euskaltegia eta Euskal Birusa euskara elkartea izan dira aurtengo edizioaren antolatzaileak. Ermuko Udala babesle nagusia izango da.
Aurten egingo diren hitzaldiak honako hauek izango dira:
- Lehena Jon Maiaren eskutik martxoaren 4an, asteazkena, arratsaldeko 19:00etan egingo da Lobianoko Kulturgunean. Maiak bere azken liburua, "Berriak jaio ginen", aurkeztuko du eta horren inguruko solasaldia izango dugu. Publiko orori zuzendua.
- Bigarrena, Martxoaren 12an, osteguna, 19:00etan Lobianon. Uxue Alberdiren azken liburuaren, "kontrako iztarritik", inguruko solasaldia egingo da. "Kontrako eztarritik" liburuan oinarrituriko bertso-saio literarioa + tertulia. Uxue Alberdi eta Ane Labaka izango ditu bertsotan eta gai jartzaile Maite Berriozabal. Publiko orori zuzendua.
Hirugarren bat prestatzen ari dira, gazteei zuzendutakoa. Motibazio saio potente bat egin nahi da. Beraien erreferente izan daitekeen artista euskaldun bat ekartzeko asmoa dugu. Emanaldia Ermua BHI institutuan egingo da martxoaren 25ean goizez. Ikastetxe barneko emanaldia izango da. Zehaztu bezain pronto, ezagutzera emango da.
