Abenduaren 23tik aurrera

Udal merkatuek ordutegia luzatuko dute Gabonetan

Erosleek aukera gehiago izan ditzaten abiarazi dute ordutegi berria

20.12.2019 | 10:55
Bi emakume lanean merkatuko saltoki batean.

BILBO. Hurrengo astelehenetik aurrera, hilak 23, Bilboko Labayruko eta Erriberako udal merkatuek, Gabonak direla eta, ordutegi berezia abiaraziko dute. Honen helburua erosleek aukera gehiago izatea da.

Erriberako Merkatuaren kasuan, 5 egunez luzatuko da; Labayruri dagokionez, bi egun izango dira. Hiriko gainerako udal merkatuek –Zabalgunea, Deustua, San Inazio, Otxarkoaga eta Trauko– neguko ohiko ordutegiarekin jarraituko dute.

Osasun eta Kontsumo Sailak establezimendu horietan erostera animatu du; izan ere, Gabonetan produktu osasungarriak eta kalitatezkoak prezio onean erosteko bermea ematen dute.

MERKATUAK ETA ORDUTEGIAK

  • Erriberako merkatua: Postu tradizionalak 08:00etatik 20:00etara egongo dira zabalik abenduaren 23an eta 30ean; abenduaren 24an eta 31n, 08:00etatik 15:00etara egongo dira zabalik. Ostegunean, urtarrilaren 2an, ordutegia 08:00etatik 14:30era bitartekoa izango da.Merkatuan dauden gastrotabernei dagokienez, abenduaren 24an eta 31n 08:00etatik 17:00etara egongo dira zabalik, eta abenduaren 25ean eta urtarrilaren 1ean eta 6an itxita egongo dira.
  • Labayruko merkatua: abenduaren 23an eta 30ean ordutegi berezia izango du, 08:00etatik 20:00etara.
  • Zabalguneko merkatua: astelehenetik larunbatera, 07:30etik 14:30era.
  • Deustuko merkatua: astelehenetik ostiralera, 08:00etatik 14:00etara eta 17:00etatik 20:00etara, eta larunbatetan 08:00etatik 14:00etara.
  • San Inazioko merkatua: astelehenetik ostiralera, 08:00etatik 14:00etara eta 17:00etatik 19:30era, eta larunbatetan 08:00etatik14:00etara.
  • Otxarkoagako merkatua: astelehenetik ostiralera, 08:00etatik 14:00etara eta 17:00etatik 19:30era, eta larunbatetan 08:00etatik 14:00etara.
  • Traukoko merkatua: astelehenetik larunbatera 08:00etatik 14:00etara eta astelehenetik ostiralera 17:00etatik 20:00etara.
noticias de deia