Kirolean frustrazioa kudeatzen lagunduko du Barakaldok

Barakaldoko Udalak, Gazteria Zerbitzuaren bitartez, 12 eta 18 urte bitarteko kirolari gazteei, entrenatzaileei eta familiei frustrazioa kudeatzen lagunduko die, martxan jarritako bi tailerren bitartez.

Ekimena hilabete honetan gauzatuko da, joan den ikasturteko ebaluazio positiboaren eta kirolean osasun emozionala lantzeko eskaeraren ondoren. Zehazki, tailerrak Frustrazioaren kudeaketa kirolean: teoriatik praktikara du izena; tailer horretan, neskek eta entrenatzaileek tresnak lortu ahal izango dituzte frustraziouneak, zailtasunak, motibazioa eta autoestimua modu praktiko batean lantzeko.

Gainera, familiei eta kirol-koordinatzaileei zuzendutako bigarren saio bat ere izango da, une horiek kudeatzen lagundu eta irakatsi ahal izateko.

David Rincón psikologoaren eskutik

Horretarako, David Rincón psikologoa eta Athleticeko Arlo Integraleko arduraduna izango da, arlo horretan eta familien, entrenatzaileen eta jokalarien prestakuntzan eskarmentu handia duena.

Hauek dira datak:

• Apirilak 29, 18:30-20: 00:12-18 urteko neska-mutilentzat eta entrenatzaileentzat
• Maiatzak 11, 18:30-20: 00: Familiartekoei eta kirol koordinatzaileei zuzenduta. 

Lehenengoa CISeko Topalekuan izango da eta bigarrena Lasesarreko Kiroldegiko areto nagusian. Hitzaldia kirol-esparru guztietara zuzenduta dago, eta banaka edo talde gisa parte hartu ahal izango dute, pertsona kopurua, kirol-kluba eta entrenatzailearekin joaten diren adierazita.

Izen-emateak

Izen-ematea telefonoz egingo da: 94 478 95 97 (goizez G.bulegoa)/94 478 96 41 (arratsaldez Topaleku), Whatsapp 688 748 923 edo giltzarri@barakaldo.eus