Getxok parte hartuko du Novagob 2025 Kongresuan

Getxoko Udalak Estatuko eta Latinoamerikako administrazio publikoko berrikuntzari buruzko topaketarik handiena den 'Novagob 2025' Kogresuan hartuko du parte datorren astean. Bartzelonan ospatzen da, eta sektore publikoko mila profesional inguruk hartuko dute parte datorren astean.

Gai hauekin lotutako esperientziak ezagutzeko eta eztabaidatuko dira: berrikuntza, eraldaketa digitala eta adimen artifiziala, pertsonen talentua sektore publikoan, administrazio erraza, gobernu ona eta administrazio sendoa.

Urriaren 27an, astelehena, Getxo Kirolak-eko ordezkariek, Castellóko, Zaragozako eta Estatu Batuetako herritarren partaidetzarako teknikari eta ikertzaileekin batera, “Herritarrak Gobernantza Publikoan inplikatuz” mahai-inguruan parte hartuko dute, eta Thinking Fadura proiektua aurkeztuko dute, parke publiko bihurtzeko eta Fadurako kiroldegiaren kanpoko aldeko instalazioak hobetzeko. Álvaro González Kirol zinegotziak nabarmendu du 'Thinking Fadura' aukeratua izan dela berrikuntza publikoaz eta gobernu onaz hitz egiteko erreferentziazko proiektutzat, Novagobek antolatzen duen foro entzutetsuan. "Gainera, aukera ona izango da Getxo Kirolak-eko talde teknikoak erreferentziazko beste erakunde batzuekin esperientziak partekatzeko, eta, ondoren, urte batzuen buruan Fadurako parkeko kirol instalazioak nabarmen hobetuko dituen prozesuan sartu ahal izango ditugu”.

Proiektu hau 2018an hasi zen diseinatzen eta, orain arte, 2.000 pertsona inguruk hartu dute parte eta beste hainbeste ekarpen jaso dira. Dagoeneko ikus daitezke lehen emaitzak, kirol eremu gehienak itxita eta TikiToki Zentroa gizarte zentroa eraikita. Laster munta handiko obra berriak hasiko dira, kirol entitateei zein abonatuei erabat berritutako ekipamenduez gozatzeko aukera emango dietenak, eta, era berean, herritarrei sarbide libreko parke berria eskainiko dietenak.

Astelehenean ere, hilak 27, Getxolaneko ordezkariek, A Coruñako, Bartzelonako eta Kanaria Handiko Las Palmaseko udaletako partaideekin batera, 'Berrikuntza urdina: kostaldeko hirietako esperientziak' mahai-inguruan parte hartuko dute. Foro horretan, itsasoaren industria eta lerradura bultzatzearen alde Getxok egindako apustua eta estrategia aurkeztuko dituzte, ekonomia urdinaren sektoreetarako espezializazio irmoarekin batera. Juanma Gonzalez Getxolango zinegotziak gogorarazi duenez, “ekonomia urdina sustatzeko sektorean ditugun politikek antolatzaileen arreta erakarri dute, eta horregatik jaso dugu gure esperientzia partekatzeko gonbidapena, erreferentziazkotzat jotzen baitute”.

2001etik, Getxok ekosistema bizia bultzatzen du, itsasoaren industriari, irristatze-kirolei eta elkarlaneko berrikuntzari lotuta. Ingurune dinamiko honek ekintzaileak, enpresak, profesionalak, prestakuntza-zentroak, erakundeak, elkarteak eta itsas- eta kirol-sektoreko eragileak batzen ditu.

Abian jarri zenetik, Getxo Itsas Hub ekosistemak itsasoaren eta lerraduraren inguruko proiektu, eragile eta lankidetza komunitate dinamikoa sendotu du. Hauek dira hori islatzen duten zifra batzuk: 450 pertsonak baino gehiagok parte hartu dute aholkularitza, prestakuntza eta networking ekintzetan; 600 pertsonak baino gehiagok hartu dute parte topaketa profesionaletan eta ekitaldi sektorialetan (Sail Inn Pro, Getxo Itsas Fest, LKB Surf Film Festival...); 2024an 14 ekitaldi profesional antolatu ziren; 34 bilera tekniko egin dira tokiko eta nazioarteko enpresa eta eragileekin; 2021ean ireki zenetik, Itsas Hub Ekintzailetza Zentroak 28 proiektu hartu ditu bere egoitzan; 2024an 15 proiektu aktibo zeuden, eta, gaur egun, 50 erakunde laguntzaile baino gehiago ditu, unibertsitateak, elkarteak eta sektoreko klusterrak barne.