Sheila Blancok 27ko belaunaldiaren magia zabaldu du Bilboko Elkarte Filarmonikoan
Pianista, konpositorea eta abeslaria den Sheila Blancok txundituta utzi ditu astelehen honetan Bilboko Elkarte Filarmonikora hurbildu diren bostehun ikusleak 'Cantando a las poetas del 27' izeneko abesti bihurtutako olerkiz osatutako kontzertuan.
Soilik pianoz lagunduta, Carmen Conde, Ernestina de Champourcin, Concha Méndez, Elisabeth Mulder, Pilar de Valderrama, Margarita Ferreras, Josefina Romo Arregui eta Dolores Catarinéuren bertsoak plazaratu zituen Blancok. Emakume horiek 27ko Belaunaldiaren autore garrantzitsuenak izan ziren, «Las Sinsombrero» izenekoak, eta Blancok haien lanen gai nagusiak miatu ditu: maitasuna, erbestera, edertasuna, alhadura...
Errezital hau Bizkaiko Foru Aldundiko Berdintasuna Sustatzeko Sailaren mendeko «Emakumeak» foru-estrategiak garatutako jardueren zikloaren barruan sartzen da. Emakumeak espazio publikoetan eta botereguneetan egotea eta emakumeen eskubideak eta askatasunak aldarrikatzeko sustatu da estrategia hori, aintzat hartuta emakumeek gizartean, politikan eta ekonomian izan duten garrantzia ezkutatu izan dela historia osoan zehar.
Kontzertuan izan dira, besteak beste, Teresa Laespada Ahaldun Nagusiorde eta Enplegua, Gizarte Kohesioa eta Berdintasuna Sustatzeko foru-diputatua, Trinidad Lourdes Vicente Berdintasuneko zuzendari nagusia eta Bizkaiko kulturaren eta gizartearen arloko ordezkariak.
Ekitaldia aurkezteko egindako hitzaldi labur batean, Laespadak aldarrikatu nahi izan zuen oso garrantzitsua zela XX. mendeko lehen hamarkadetan Espainian lan kulturala egin zuten emakume ezagunei ezarritako anonimotasuna eta ikusezintasuna desagerraraztea; «Las Simsombrero» izan zirenei buruz ari zen. Era berean, buru duen foru-sailak emakumeen eta gizonen arteko benetako berdintasuna lortzeko bidean aurrera egiteko duen konpromiso irmoa aldarrikatu zuen ere.