Bermeoko bost gazte ontziratuko dira 'Saltillo' eskola-ontzian

Datorren asteartean, abuztuaren 8an, Bermeoko 16 eta 18 urte bitarteko bost gaztek Euskal Herriko Unibertsitateko 'Saltillo' eskola-ontzian ontziratzeko aukera paregabea izango dute. Uda guztietan bezala, Bizkaiko hainbat udalerrietan egongo da eskola-ontzia, esaterako Santurtzin, Lekeition, Hondarribian, Getarian eta, azkenik, Bermeon.

Helburua gazteei belaontziko eta motorreko nabigazioaren esperientziara hurbiltzeko aukera eskaintzea eta itsas-portuetako sektore bat ezagutaraztea da, etorkizuneko prestakuntza sektore horretara bideratzeko aukera hurbilduz. Zentzu horretan, Nautikako eta Itsasontzi Makinetako ikasketak ditugu (UPV/EHUko Ingeniarien Eskola), bai eta Pasaia, Bermeo eta Ondarroako Arrantzako Lanbide Heziketako eskolak ere. Gauzak horrela, aipatutako portu horietan 16 eta 18 urte bitarteko bost gazte ontziratzeko aukera eskaintzen da, hurrengo portuan lehorreratuko direnak Bertan, beste 5 pertsona ontziratuko lirateke, hurrengoan lehorreratzeko, eta horrela, hurrenez hurren. Hala, Bermeoren kasuan, abuztuaren 8an ontziratuko lirateke gazteak, eta hurrengo egunean Santurtzin lehorreratuko lirateke.

Bidaian zehar, janaria eta edaria emango zaie ontziratutako pertsonei, eta hasi aurretik, Euskal Ontzijabeen Elkarteak Eusko Jaurlaritzako Portu eta Itsas Gaietako Zuzendaritzarekin lankidetzan egindako lanbide nautikoari buruzko bideo bat proiektatuko da. Aipatu behar da zeharkaldiak baldintza meteorologikoei lotuta daudela, eta baliteke baldintza horietako bat edo batzuk ez egitea. Interesdunak 635 70 78 12 telefono zenbakira deitu beharko dute izena emateko.

Horrela, Mikel Lejarza buru duen zeharkaldi honetan, UPV/EHUko Nautika eta Itsasontzi Makineriako Goi Eskola Teknikoko ikasleek nabigazio-praktikak egingo dituzte, eta abentura horretan murgiltzea erabakitzen duten gazteek bertatik bertara ezagutu ahal izango dute nabigazioaren mundua.

Saltillo, 1932ko belaontzia

El Saltillo, 1932an eraikitako garaiko belaontzia, bi urte geroago Pedro Galíndez bizkaitar enpresariak erosi zuen, eta 1946tik 1963ra errege-familiaren gozamenerako laga zuen. 1968an Galindezek Nautikako eta Itsasontzi Makinetako Goi Eskola Teknikoari eman zion, eta UPV/EHUko ontzi-eskola gisa erabiltzen da 1998tik.