Datorren larunbatean, uztailaren 29an, jarriko da martxan Aperribai eta Muguru lotuko dituen Galdabusa, herritarren eskaerei erantzuna emateko hartutako neurriari esker. Honakoa Galdabusaren bigarren autobusa izango da, joan den astelehenean, hilaren 24an, Zuhatzutik Elexaldera bitarteko linea aktibatu baitzen.
Honakoa da larunbatetik aurrera martxan egono den 1. Lineak izango duen ibilbide zirkularra:
Aperribai (Unamuno)-Aperribaiko igogailua (anbulategira igotzen dena)-Bengoetxe-Sixta Barrenetxea-Urreta-Anbulatorioa-Zamakoa-Muguru. Lanegunetan, lehen autobusa 08:00etan aterako da Aperribaitik eta 20:00etan azkena, eta Mugurutik, 08:20ean lehena eta 20:20ean azkena. Larunbat, igande eta jaiegunetan 09:40ean izango da lehen autobusa Aperribain eta 20:20ean azkena, eta Mugurun 10:00etan lehena eta 20:40ean azkena. Maiztasuna berrogei minuturokoa izango da.
Zuhatzu eta Elexalde lotzen dituen bigarren Linearen ibilbidea honakoa da: Zuhatzu-Juan Bautista Uriarte-Udaletxea-Hilerria-Elexalde. Zuhatzutik lehen irteera goizeko 07.40ean izango da lanegunetan eta arratsaldeko 19.40ean azkena, eta Elexaldetik, goizeko 08.00etan lehena eta iluntzeko 20.00etan azkena, lanegunetan. Larunbat, igande eta jaiegunetan goizeko 09.20an izango da lehen autobusa Zuhatzun eta iluntzeko 20.00etan azkena, eta Elexalden 09:40ean lehena eta 20:20ean azkena. Maiztasuna 40 minuturokoa izango da.
Oraingoz, doakoak izango dira bi lineak, uda igaro arte gutxienez, baina Udalak ez du baztertzen kobratzeko aukera.
