Ugaldeguren II-ko errepidea hobetuko du Zamudiok

Zamudioko Udalak Ugaldeguren II industria poligonoko errepidean berrikuntza lanak egin ditu datozen asteetan. Denborak aurrera egitea eta bertatik egunero igarotzen diren auto eta kamioi guztien eragina dela eta, hainbat dira egoera okerrean dauden puntuak eta, hobekuntza lan hauen bitartez, herriko gobernuak industriagune hau egoera egokian manten-tzea bilatuko du. "Jarduera sorta honekin, poligonoa ahalik eta egoera onean mantentzea lortuko dugu, hauek osorik egoteko eta enpresentzako erakargarria izan ahal izteko. Modu honetan, Zamudioko jarduera ekonomikoari bultzada nabarmen bat eman diezaiokegu, bertoko enplegua eta herriko finantza sarreren handitzea lortuta", adierazi zuten herriko gobernutik, industriak bertan daukan garrantzia modu nabarmenean azpimarratuta.

Honetarako, hainbat izango dira datozen asteetan egingo diren jarduerak poligonoko errepidea egokitzeko, izan ere, 800 metroko errepide-sarea dago bertan, zazpi metroko eta bi norabideko zabalerarekin. Gainera, bi metroko zabalerako espaloiak ere baditu. Berrikuntzekin hasteko, Zamudioko Udalak kaltetuta dauden guneak asfaltatu eta fresatuko ditu eta, gainera, kaltetuta dauden espaloietako zintzurriak aldatuko ditu. Zoladuraren iraupena bermatzeko, hormigoizko lauza bat jarriko da eta, oinezkoentzako iagorbideetan, seinaleak eta ukimen-lauzak jarriko dituzte, hauen ikusgarritasuna eta oinezkoen segurtasuna modu nabarmenean hobetuta. Horrenbestez, behin lanak bukatuta, Ugaldeguren II industria poligonoko pertsona erbailtzaileek erosotasun osoz gidatu ahalko dute errepidea egoera bikainean egonda eta, bestalde, oinzekoek ere abantailak somatuko dituzte.