'Ozenago! Bilboko Gazte Panelisten Podcasta' proiektuaren grabazioak inauguratuko du Bilboko Udalak La Perrera eraikinean sortu berri duen Podcast Areto berria. Helburua uriko gazteen ahotsa zabaltzeko espazio berri bat izatea da.
Nahi duten pertsona eta erakunde guztiek erabili ahal izango dute aretoa, baldin eta edukia gazteek edo gazteentzat diseinatuta badago. Horretarako, aldez aurretik erreserba bat egin behar da La Perreran, laperrera@bilbao.eus helbidearen bidez, edo aurrez aurre gazte-ekipamendu horretan (Sabino Arana 50).
La Perreran programatutako gaikuntza-tailerren barruan, doako prestakuntza espezifikoa eskaintzea aurreikusten da, gazteek kalitatez grabatu ahal izan ditzaten beren proiektu eta ekimenei lotutako eduki digitalak, eta horretarako beharrezkoak diren tresnak eta ezagutzak emango zaizkie.
Era berean, Bilboko Udalak gazteentzako interesgarriak diren ekimen, proiektu eta programazioei buruzko zenbait podcast grabatuko ditu, Bilbao Gazte-ren YouTubeko kanalaren bidez ikusi ahal izango direnak.
'Ozenago! Bilboko Gazte Panelisten Podcasta'
Lehen atal hobetan, podcast-taldeko kide bik, María Lertxundik eta Carmelo Lópezek, Bilboko Gazte Panelaren funtzionamendua azaldu eta aurten egindako proiektu pilotuak errepasatu dituzte. Gainera, podcastean gazte parte-hartzaile batzuei elkarrizketak egin zaizkie, eta haiek Gazte Panelaren barruan izan dituzten bizipenak, testigantzak eta ikaskuntzak partekatu dituzte. Ekimen berri horren bidez, Bilboko Udalak gazteen parte-hartzea sustatzen jarraitu nahi du, Bilbo Hiri Gaztea Gazteria Planaren ardatz estrategiko modura.
