Martxoaren 7an hasiko da Musika-Música jaialdia

Musika-Música Jaialdiak Bilbo musika klasikoaren egoitzan bihurtuko du berriro martxoaren 7tik 9ra. Bilboko Udalak antolatutako 24. edizio honek 70 kontzertu eskainiko ditu, eta 1.500 artista baino gehiago egongo dira Euskalduna Jauregian.

Jaialdiaren hiru egunetan zehar, Euskalduna Jauregiko 0B Aretoak musika barrokoaren panoramako orkestra eta solista ospetsuenetako batzuen emanaldiak jasoko ditu, eta horiek Vivaldi, Bach, Haendel, Chaikovski eta Telemann-en obrak interpretatuko dituzte.

MUSIKA BARROKOA

OBNI Ensemblek Vivaldiren "L’estro armonico" barrokoaren obrarik ikonikoenetako bat interpretatuko du. Bestalde, Ensemble Diderot-ek, orain dela gutxi nazioarteko Classical Music Award (ICMA) saria jaso dutenak eta Johannes Pramsohlerek zuzendutako taldea, dotorezia frantsesa eta espresibitate alemana uztartzen dituen programa bat eskainiko du, Locatelli, Rebel, Bach eta Telemann-en piezak barne. Pramsohler violinista, errepertorio ahaztuak berreskuratzeko duen gaitasunagatik ezaguna da.

Café Zimmermann formakuntza, Céline Frisch eta Pablo Valetti buru, martxoaren 8an, larunbata, 17:15ean eta martxoaren 9an, igandea, 11:15ean egingo ditu bere kontzertuak, edizio honen kalitatea are gehiago sendotuz. Bere programak Johann Sebastian Bach eta bere semea Carl Philipp Emanuel Bach-en musikan zentratuko da, "Flautaren Kontzertua" eta beste hainbat obrak interpretatuz. Talde hau, interpretazio historikoan erreferenteetako bat da.

Friburgoko Orkestra Barrokoa, urtean ehun kontzertu baino gehiago eskaintzen dituen taldeak, Cecilia Bernardini violinistarekin batera, Telemann, Haendel edo Purcell-en obrak interpretatuko ditu. Ahots-errepertorioa Carolyn Sampson soprano ospetsuaren eskutik izango da.

Festival Strings Lucerne orkestraren emanaldia, gogo handiz esperoko den beste emanaldietako bat izango da. Daniel Dodds-ek zuzenduriko taldeak Barrokoaren eta Romantizismoaren arteko lotura egiten duen programa bat eskainiko du, Falconieri, Albinoni eta Coleridge-Taylor-ren obrak interpretatuz.

Nereydas Ensemblek, Ulises Illán zuzendariaren eskutik, Telemann-en Obertura-Suites interpretatuko du, horien artean “Burlesca del Quijote” izango du errepertorioan. Cervantesen pertsonaia mitikoan inspiratutako obra honek, bere izaera narratiboa eta umoretsua, kontraste interesgarria ekarriko du jaialdiko programan.

Musika-Música Jaialdian, familientzako emanaldiak ere izango dira. 24. edizio honetan, 0E Aretoak Cor de Teatreren “Operetta” ikuskizuna jasoko du, ikuskizun honek bere bira guztian sarrerak agortu ditu. Ikuskizun hau, antzerki gestual eta umorea uztartzen dituen proposamena da. Musbika Ensemblek, bestalde, "Emozioak eszenan" izeneko musika eta ilustrazio zuzeneko esperientzia murgiltzailea ekarriko du Euskalduna Jauregira.