Uztailaren 1ean Bilbon hasiera izango duen Frantziako Tourrari ongi etorria emateko ekintzekin jarraituz, Bizkaiko hiriburua txirrindularitza amateurraren erdigunea bihurtuko da datorren igandean, ekainaren 11n, bertan ospatuko baita 'L' etape Bilbao by Tour de France' izeneko ekimena. Zikloturistek Bizkaiko errepideak hartuko dituzte, goizeko 8.00etan San Mamesetik abiatuta, egun bakar, historiko eta errepikaezin baten protagonistak izateko.
Bizikletaren festa handi hau Grand Départ Pays Basque 2023 lasterketarekin dator, Tour de France-ren inaugurazio etaparen aurretik, inoiz ez bezalako egun batean, geroago tropel profesionalak egingo dituen 185 kilometroak egiteko.
1.950 parte-hartzaile aterako dira, 11 herrialde desberdinetakoak. 185 km-ko distantzia ‘Official’-a izan da gehien aukeratu dena, %61,7ko partaidetzarekin. LITE ibilbidea bigarren hautatuena izan da, % 26,16ko izen-ematearekin. Distantzia hori izan da, halaber, emakumezkoek gehien hautatu dutena, proban parte hartuko dutenen % 48ak.
Parte-hartzaileen % 24,4 Euskaditik kanpokoak dira.
Ibilbideak eta maillot paregabea
Parte-hartzaileek ekitaldi honetarako sortu den maillot horia jantziko dute. Grand De part Pays Basque eta Ongi eTOURri ikurrak ezin ziren falta. Lepoa eta eskuin-mahukak ere kolore horia dute, lasterketako liderra identifikatzen duen maillotaren omenez, 1919an ezarria.
Hiru ibilaldiak San Mamesetik abiatuko dira, Grande Boucle '2023 lasterketaren lehen etaparen ibilbide bera errespetatuz. Helmuga, berriz, Etxebarria parkean kokatuko da.
Official ibilbidea, 2023ko Frantziako Tourreko lehen etaparen berdina da, 185 km-rekin. Horiei beste tarte neutralizatuko beste 11 km gehitu behar zaizkie. Guztira 196 km-ko distantzia, 3.500 metroko desnibel positiboan. 'Medium', 157 km eta 2.850 metro positiboko desnibel positiboarekin. Azkenik, 'Lite', 124 km eta 2.300 metroko desnibel positiboarekin, horietatik 116 Tourra pasatzen den trazadura beretik igarotzen direlarik.
Iritsiko diren lehen txirrindulariak “Lite” ibilbidekoak izango dira, eguerdiko 12: 50 inguruan. "Medium" eta "Official" distantzietakoak, aldiz, 14:05ak eta 15:27ak aldera, hurrenez hurren. Hala ere, proba 17:47ak arte luzatuko da, azken parte-hartzaileek helmuga zeharkatzeko epemuga gisa.
Martxa ondo garatu dadin, 29 km/h-ko gehieneko abiadura eta 22 km/h-ko gutxieneko abiadura ezarri dira. Era berean, mozketa-orduak finkatu dira, 13:05ean eta 16: 05ean, 100 eta 158 kilometroetan, hurrenez hurren, Foruko eta Larrabetzuko hornidura-puntuetan hain zuzen.
Parte-hartzaile guztiek Grand Depart Pays Basque 2023ko gymbag bat jasoko dute, honako hauekin: Santini maillota, bizikleta eta kaskorako dortsal pegatinak, sarbide-eskumuturrekoa eta gelak. Gainera, ibilbide osoan zehar hornidura-puntuak izango dituzte. Bertan, elikagai solidoa eta likidoa, helmuga osteko cateringa eta beste Zerbitzu batzuk izango dituzte eskuragai, hala nola, euren gauzak gorde ahal izateko kontsigna, edota dutxak eta aldagelak. Gainera, proba amaitzen duten parte-hartzaileek finisher domina jasoko dute, egun paregabea gogoan izateko.
Aldaketak zirkulazioan
Probak zirkulazioan izango du eragina 07:45etik 08:30era, gutxi gorabehera, irteteko ezarritako eremuan (Felipe Serrate kalea, San Mamesen ondoan). Bizkaiko hiriburutik atera arte igaroko den kale hauetan ere izango du eragina:
Sabino Arana, Jesusen Bihotza, Abandoibarra, Ramón Rubial, Euskadi plaza, Mazarredo zumarkalea (errei bat), Recalde zumarkalea, Moyua plaza, Kale Nagusia, Plaza Biribila, Nafarroa kalea, Areatza, Epaltzaren Alarguna, Zingira, Ernesto Erkoreka plaza, Campo Volantín pasealekua, Unibertsitate etorbidea, Agirre Anaiak, San Pio X., Agirre Lehendakaria eta Enekuri etorbidea.
12:00ak eta 18:00ak bitartean, gutxi gorabehera, Etxebarria parkea okupatuko da, bertan egongo baita helmuga. Lasterketako parte-hartzaileak Bilbora berriro iristen direnean, kale hauek itxiko dira zirkulaziorako parkearen inguruan:
Enekuri etorbidea, Agirre Lehendakariaren etorbidea, Francesc Macià, Botikazar erribera, Unibertsitate etorbidea, Campo Volantin, Ernesto Erkoreka plaza, Zumalacarregui etorbidea, Ugatz Parrokoaren biribilgunea.
Proba igaro ahala ibilgailuen joan-etorriak baimenduko dira, Udaltzaingoaren zaintzapean.
Gainera, ekainaren 9tik (ostirala) ekainaren 11ra (igandea), gutxi gorabehera, Felipe Serrate kaleko aparkalekua okupatuko da. Zehazki, ekainaren 10ean, larunbata, 15:00etatik 18:00etara, gutxi gorabehera, Luis Briñas kalearen eta Ventosa bidea-Olabeaga aldaparen artean. Eta ekainaren 11n, igandea, 07:00etatik 10:00etara, gutxi gorabehera, Ventosa bidea-Olabeaga aldaparen eta Sabino Arana etorbidearen artean.
Probak eragina izango du Bilbobusen linea batzuen ibilbidean eta ordutegian. Informazio guztia geralekuetan kontsultatu ahal izango da, Bilbobusen sare sozialetan, Bilboko Udalaren webgunean eta 010 telefonoan.
