EHUko Abesbatzak pop eta rock abestiak interpretatuko ditu gaur Bilbon

BILBO. Euskal Herriko Unibertsitateko (EHU) Abesbatzak denboraldia agurtzeko kontzertua eskainiko du ostiral honetan, ekainaren 23an, arratsaldeko 19:00etatik aurrera, Bizkaia Aretoan, Bilbon, eta azken hamarkadetan arrakastatsuak izan diren pop eta rock abesti batzuk aukeratu ditu.

Hain zuzen, EHUk prentsa ohar bidez jakinarazi duenez, Queen, Elton John, The Police, Leonard Cohen, Michael Jackson, Toto edo Ken 7 moduko taldeen kantak interpretatuko ditu egindakoak, besteak beste. Emanaldia bukatzeko, Paul Barkerren "Roquiem" lana abestuko du.

Eli Mendiarazek (pianoa), Argoitz Arangurenek (gitarra), Cristina Larrañagak (baxua) eta Ander Zulaikak (perkusioa) ere parte hartuko dute kontzertuan, eta Aitor Biain Bidarte zuzendaria izango da.