Síguenos en redes sociales:

Ibilgailuen abiadura kontrolatzeko kanpaina datorren astean martxan jarriko dute

Iaz, Udaltzaingoak kontrolatutako 507.269 ibilgailuetatik 1.243 salatu zituen

DEIA

26·02·16 | 03:00 | Actualizado a las 14:24

Ibilgailuen abiadura kontrolatzeko kanpaina datorren astean martxan jarriko duteDavid de Haro

BILBO. Modu horretan, Udaltzaingoak egunero batez beste lau kontrol egingo ditu kanpainaren zazpi egunetan zehar, hirian baimendutako abiadura zenbat ibilgailuk gainditzen duten ikusteko. Era berean, radarretan ezarritako muga gainditzen dutenak salatuko dituzte.

Kasu batzuetan, unean bertan emango diote arau-hausleari muga gainditzearen berri, kanpaina dibulgatzailea izateagatik eta gidariek erantzukizuna hartzearren; besteetan, aldiz, jakinarazpena etxean jasoko dute.

Bestalde, Bilboko Udaltzaingoaren Koordinazio eta Trafiko Sailak jasotako datu guztiak taula batzuetan sartuko dira, estatistikak egite aldera, eta datuak horretarako aurrez ezarritako adierazle batzuetara egokituko dira.

2015ean egindako kanpainen datuak

Ibilgailuen abiadura kontrolatzeko lau kanpaina egin ziren iaz. Udaltzaingoak kontrolatutako 507.269 ibilgailuetatik 1.243 salatu zituen, hau da, guztien % 0,25. Kanpaina honetan ere kontrolak goizez eta arratsaldez jarriko dira Bilboko zirkulazio-sarean, euren kokapena dela-eta gidarien segurtasunaren ikuspegitik arriskutsuak gerta daitezkeen lekuetan.