BILBO. Euskal Herriko Unibertsitateak badauka errektore berria. Atzo, azaroak 26, osteguna, Eva Ferreira katedraduna garaile atera zen errektorea aukeratzeko hauteskundeetan, botoen % 66,24arekin. Ferreirak, hautagai bakarra izanda, botoen herena lortu behar zuen eta, beraz, UPV/EHUko errektorea izango da.

Sektoreka emaitzak hauexek izan dira:

  • Lotura iraunkorra duten 2.114 irakasle eta ikertzaile doktoreetatik 1.404k bozkatu dute (919 aldeko boto, 469 zuri).
  • Lotura iraunkorra duten 179 irakasle eta ikertzaile ez-doktoreetatik 91ek bozkatu dute (52 aldeko boto, 38 zuri)-
  • Gainerako 3.273 irakasle eta ikertzaileetatik 642 bozkatu dute (383 aldeko boto, 251 zuri).
  • 40.819 ikasleetatik 857k bozkatu dute (612 aldeko boto, 218 zuri).
  • Administrazio eta Zerbitzuetako Pertsonaleko 1.896 kideetatik, 744k bozkatu dute (433 aldeko boto, 302 zuri).

Botoa honela haztatzen da: irakasle doktore iraunkorrei % 56,25 dagokie; irakasle iraunkor ez-doktoreei, % 7,50; gainerako irakasle eta ikertzaileei, % 2,09; ikasleei % 22,08; eta, azkenik, administrazio eta zerbitzuetako langileei, % 12,08. Beraz, botoak haztatu ondoren, hauexek dira emaitzak:

  • IRI doktore iraunkorrak: % 37,24 aldeko boto eta % 19,01 zuri.
  • IRI ez doktore iraunkorrak: % 4,33 aldeko boto eta% 3,17 zuri.
  • Bestelako IRI: %1,26 aldeko boto eta % 0,83 zuri.
  • Ikasleak: % 16,28 aldeko boto eta % 5,80 zuri.
  • AZP: % 7,12 aldeko boto eta % 4,96 zuri

Emaitzen behin betiko aldarrikapena abenduaren 4an egingo da, inpugnazioak aurkezteko epea igaro ondoren.

Eva Ferreira doktorea (Barakaldo, 1963) Ekonomia Aplikatuko katedraduna da, eta Ekonomia eta Enpresa Fakultateko irakaslea. UPV/EHUko Ekonomia Gaietako eta Ikasketa Antolaketako errektoreorde (2004-2008), unibertsitate bereko idazkari nagusi (2009-2012) eta Euskal Unibertsitate Sistemaren Kalitate Agentziako zuzendari (Unibasq, 2015-2019) izan da. Kargua urtarrilaren lehen hamabostaldian hartuko duela aurreikusten da, karguan Nekane Balluerka ordezkatuz. Balluerka izan da hautatutako errektorea izan zen lehen emakumea.