Euskalduna Bilbaok lau Gold Award jaso ditu Global Eventex Awards sarien 12. edizioan, jakitera eman dutenez. Zehazki, izendatuta zegoen lau kategorietako sariak irabazi ditu: Exhibition Venue, Gala Venue, Unusual Venue eta Venue. Sari hauek sari estimatuena eta ekitaldien eta esperientzien marketinaren munduko bikaintasunaren behin betiko ikurra dira.
Eventexek proposamen kopuruari dagozkion marka guztiak gainditu ditu, 28 herrialdetako 606 proposamen guztira, eta horrek indartu egiten du Euskaldunaren nazioartekotze-estrategia, lau kategoriatan irabazi baitu egoitza gisa, ekitaldien industriarako produktuak, zerbitzuak edo soluzioak ematen dituzten leku, jomuga eta enpresei buruzko atalean.
Atal horren barruan, Euskalduna Bilbao lau kategoriatan egon da izendatuta: egoitzarik onena, erakusketa-lekua (erakusketak, merkataritza-azokak edo erakusketak egiten diren ekitaldi-lekuak), ezohiko lekua (arkitekturari, kokapenari edo barrualdeen diseinuari dagokionez desberdinak, bakarrak edo ezohikoak diren lekuak) eta galaren egoitza. Azpimarratzekoa da Euskalduna Londresko Tobacco Dock, Herbehereetako OT Cities Gui eta Erresuma Batuko Venues Borough bezalako zentro ospetsuekin lehiatu dela.
Eventex, industriarako ideia-iturri eta jardunbide onenen, ideia originalenen eta berrikuntza nagusien erakusleiho da. Beraz, Euskaldunarentzat ohorea da lau kategoria horietan aintzatespena lortu izana. Lehiaketa, industriak eskaintzeko duen arlo berritzaileenaren eta sortzaileenaren erakusleihoa da.
Euskaldunarentzat oso pozgarria da beti berritzeko eta berrasmatzeko prest dauden meeting & events ekitaldiak eta zentroak aintzatetsi gura dituzten industriako lider ospetsuez osatutako nazioarteko talde batek -komunikazio-agentzietako profesionalak, convention bureau izenekoetako zuzendariak, ekitaldiak antolatzen dituzten agentziak€- aintzatespena eman izana.
Eventex Sariak industriako izen garrantzitsuenetako batzuek ebaluatzen dituzte: ekitaldien aldizkari nagusietako kazetari entzutetsuek, elkarteetako buruek, konbentzioen bulegoetako ordezkariek, buru sortzaileenek, eta gaur egungo eragile nagusiek eta iritzi-liderrek.
Horrela, sarrera bakoitza 4-8 epailek osatutako panel batek ebaluatzen du, bere espezializazio-eremuaren arabera esleitutako kategoria-multzoaren barruan, eta hiru irizpide giltzarriren arabera puntuatzen da. Ehuneko 40 kontzeptuan eta emaitzetan, hurrenez hurren, eta ehuneko 20 sormenean eta berrikuntzan.
