'Todas las noches de un día' antzezlana dator Arriagara Carmelo Gómez eta Ana Torrenten eskutik

BILBO. Letra larriz idatzitako antzerkia Arriaga Antzokiko agertokira itzuliko da, Todas las noches de un día lanarekin, Alberto Conejero dramaturgoak idatzitako testuan oinarrituta Luis Luquek zuzendutako muntaketarekin. Lan horri esker, egileak Antzerki Egileen Elkartearen hirugarren sariketa irabazi zuen. Antzezlanak bi antzezle handi elkartuko ditu agertokian: Carmelo Gómez eta Ana Torrent.

Arriaga Antzokiak Todas las noches de un día antzezlanaren bost emanaldi jasoko ditu, gaurtik, asteazkenetik, urtarrilaren 9tik, igandera. Igandeko azken funtzio hori 19:00etan hasiko da, 19:30ean hasiko diren gainerako guztiak baino ordu erdi lehenago.

Alberto Conejerok gaur egungo egile eta dramaturgo puntakoenetako batek idatzitako dentsitate poetiko handiko ariketa dramatikoan sartuko gara. Todas las noches de un día lanak poetika eskaintzen du, poliziez, argitu beharreko enigmez eta, jakina, maitasun askoz, betetako istorio honetako bi pertsonaien izaera eta patua marrazteko ibilgailu gisa.

Proiektua, ikus-entzuleari edertasun emozional une handia eskaintzeko izpirituarekin sortu da. Egileak misterio bat argitzeko proposamena egiten digu. Natura, pertsonaien patuaren pazientzia handiko lekukoa da. Luis Luque zuzendariarentzat, testu hau zuzentzea eta bere hitzen edertasuna agertokira eramatea erronka handia izan da.

Sinopsia

Urbanizazioz inguratuta, gugandik gertu dagoen lekuren batean, negutegia daukan lorategi zahar batek bizirik jarraitzen du. Denbora asko igaro da auzokideek Silvia, etxearen jabea, azken aldiz ikusi zutenetik. Bertan Samuel baino ez da geratzen, lorazaina, ahaztutako txoko hori kontserbatzeko lanean. Todas las noches de un día antzezlana, Silvia non dagoen jakiteko polizia etxera joaten denean hasten da. Orduan bizitzaren eta oroitzapenen, maitasunaren eta haren mamuen, arteko borroka hasiko da.