Derioko Kimertze plazak badauka jada jolasgune berria

Gainera, Derioko Udalak Ibaiondo futbol zelaia inguratzen duen hesia berriztu du

22.01.2021 | 01:01
Kimertze plazako jolasgune berria.

2021 urterako aurrekontu proiektuan xedatutakoa jarraituta, Derioko Udalak herritarren bizitza kalitatea hobetzeko ahalegina egiten jarraitzen du, kasu honetan biztanleriaren aisialdirako aukera desberdinak ahalbidetuta. Kimertze plazako haurrentzako jolasgunea izan da oraingoan herriko gobernuak egindako berrikuntzak jaso dituen zonaldea, izan ere, Udalak hau eraberritzeko eta honen erabileraren kalitatea hobetzeko 10.800 euroko inbertsioa egin du. Bertoko erabilera ziurra eta erabiltzaileen ongizatea bermatzeko asmotan, segurtasun-zorua ordezkatu da, aurrekoa denboraren igarotzearen eta erabiera askorengatik zaharkituta zegoelako. Bestalde, ume derioztarrek jolas desberdinetaz gozatzeko aukera izango dute herriko gobernuak bertan kokatutako malguki berriei esker. Proiektu honek aurreko legegintzaldian hasitako haurrentzako jolasguneen hobetzearen inguruko politikari jarraipena ematen dio eta, gainera, Udalak herriko berdeguneak eta atsedenerako eta ohitura osasungarriak praktikatzeko eremuak berrizten jarraitzearen inguruko konpromezua hartu zuen, aisialdi aukeren zerrenda areagotuta.

Azken asteetan egindako birmoldaketen jarraiki, Esther Apraiz alkatesak burututako udal-korporazioak Ibaiondo futbol-zelaia inguratzen duen hesia ordezkatu du moderno eta seguruagoa den berri batengatik. Kirol-instalazioak hobetzeko programaren barne dagoen interbentzio hau pasaden abendu erdialdean hasi zen eta 39.900 euroko inbertsioa suposatu zuen, BEZa kanpo. "Espazio honi segurtasun handiagoa eman nahi izan diogu, batez ere udalerriko taldeen entrenamenduetan eta futbol partidetan aritzen diren erabiltzaileei begira. Gogoratu beharra dago, zelai honek oso futzio garrantzitsua betetzen duela oinarrizko futbola sustatzeari dagokionez, ehunka haur eta kirolarik erabiltzen baitute, eta horiek, aldi berean, ekipamendu eta azpiegitura seguruak behar dituzte", adierazi zuen Esther Apraizek Ibaiondon egindako interbentzioaren inguruan. Horrenbestez, kirol-instalazio hauek erabiltzen dituzten futbolariek badaukate jada euren hesi berria gozatzeko aukera, aurrekoa baino askoz ziurragoa den hesia.

noticias de deia