Astelehen honetan

Bizikleten garbitoki berriak instalatzeko lanak hasi ditu Barakaldok

01.02.2021 | 16:22

BARAKALDO. Barakaldoko Errekatxo, Gorostitza eta Lutxana auzoek aste honetatik aurrera bizikletetarako garbitokiak izango dituzte. Udalak gaur bertan, otsailak 1, instalazioekin hasi da. Neurri honekin herritarren artean bizikletaren erabilera sustatu nahi du Udalak.

"Bizikletaren erabilera zabaldu nahi dugu hiria, eta horretarako lan handia egiten ari gara, ez bakarrik bidegorriak egokitzen, baizik eta bizikletekin eroso eta seguru ibili ahal izateko behar diren tresnez hornitzen ere Barakaldo", adierazi du Auzoetako eta Hiriko Obra eta Zerbitzuak Arloko zinegotzi Jon Andoni Uriak.

Horrela ernatu zen bizikleten garbigunea, herritarren sarritan eskatutako zerbitzua. Hirian bidegorrien saretik hurbil dauden eremuetan kokatuko dira. Zehazki, bizikleten garbitokiak hiru lekutan jartzen ari dira: Errekatxon, auzoaren sarrerako aparkalekuan dagoen komun publikoaren ondoan; Lutxanako Serralta kalean dagoen komun publikoaren aldamenean, eta Gorostitzan, Tellaetxe parkearen eta Gorostitzako kiroldegiaren artean.

Bizikletak garbitzeko hiri-estazioek autozerbitzua eta sistema antibandalikoa izango dute, bai eta presio txikiko bizikletak garbitzeko mahuka bat ere. Kable aeronautikoz lotutako lau garbitzeko-eskuila erabili ahal izango dira: gurpiletan eta osagaietan zikinkeria gogorra garbitzekoa, izkinetarako kono-eskuila, marko, erradio eta diskoetarako bi hortzeko eskuila, bai eta kate eta kaseteetarako atzapar itxurako beste bat ere. Horrez gainera, erraz garbitzeko sistemako eta sei oin nibelatzaileko drainatze-sare bat ere. Egiturak UV aurkako pinturaz margotuko dira, eta korrosioaren aurkako tratamendua egingo da. Herritarren eskaera hori gauzatzeko inbertsioa 23.600 eurokoa da, BEZa barne.

"Barakaldo gero eta jasangarriago eta osasungarriago baten alde ari gara lanean. Barakaldo berde baten alde, bizikletaren alde egiten dutenentzako erosoaren alde. Apustu horren fruitu dira hainbat proiektu interesgarri, hala nola, Ansioko Bizkaiko Foru Aldundiaren aldamenean jarri duten bizikletak konpondu eta mantentze-lanak egiteko estazioa eta garbitoki hauek, gure hirian jarriko diren lehenengoak", nabarmendu du zinegotziak. "Aldi berean ari gara bidegorrien sarea zabaltzen, eta burutzear dira, bestalde, Gorostitzan eraikitzen ari garen landa-zirkuitua egiteko lanak!, esanez amaitu du Uriak.