OLHUIk ate irekien jardunaldiak egingo ditu apirilean eta maiatzean

Irailean hasiko den 2025-2026 ikasturteari begira, Ermua-Mallabiko Oinarrizko Lanbide Heziketako Udal Institutuak (OLHUIk) bere eskaintza eta instalazioak ezagutzera emateko ate irekien bi jardunaldi antolatu ditu apirilaren 29an eta maiatzaren 7an, hurrenez hurren. Egun bakoitzean goizeko edo arratsaldeko ordutegian egin ahal izango dira bisitak, aukeran.

Ikastetxea bisitatzeko eta haren hezkuntza-eskaintzan dauden espezialitateei eta gizarte- eta hezkuntza-proiektuari buruzko informazioa ezagutzeko, hitzordua hartu behar da. Horretarako, 943 17 54 27 telefonora deitu edo imfpb@udalermua.net helbide elektronikora idatzi behar da.

Apirilaren 29an, asteartean, programatutako orduak arratsaldez dira, 16:00etan eta 17:30ean, hain zuzen ere. Maiatzaren 7an, asteazkenean, hitzordu posibleak goizez: 11:30ean eta 13:00etan izango dira. Jardunaldi horiek maiatzean egin ohi den aurre matrikula egiteko epearen harira egingo dira, interesa izan dezaketen pertsonen kontsulten berri emateko eta kontsultei erantzuteko. Data zehatzak ez dira oraindik ezagutzen, eta epe laburrean jakinaraziko dira, Euskal Herriko Agintaritzaren Aldizkarian (EHAA) argitaratuko den iragarkiaren bidez. Xehetasun guztiak ikusteko, jo OLHUIk webgunean duen matrikulazio atalera.

Ikasleak eta prestakuntza-eskaintza

Institutua Ermuko Udaleko Toki Garapen Sailaren mende dago, eta Derrigorrezko Bigarren Hezkuntzako titulua (DBH) lortu ez duten 15 eta 17 urte bitarteko gazteei prestakuntza eskaintzen die.

Zentroaren prestakuntza-eskaintzak hiru espezialitate ditu:

• Ile-apainketako laguntzailea.
• Ibilgailuen konponketako laguntzailea.
• Metalezko elementuak fabrikatzeko langilea.

Oinarrizko Lanbide Heziketa bi ikasturtez osatuta dago, eta biak gainditu ondoren, zuzenean sar daiteke erdi-mailako prestakuntza-ziklo batean.

Aurre matrikulazioari buruzko informazio guztia ikastetxeak eskaintzen du, webguneko matrikulazio atalean, 943 17 54 27 telefonoan edo imfpb@udalermua.net helbide elektronikoan, eta ikastetxean bertan (Azkaldea 6, Mallabia).