Haurrentzako eskulanak eta magia saioak Ermuan

Haurrentzako magia eta eskulan tailerrak bueltan daude eta Ermuko liburutegiak apirilean eta maiatzean egingo diren saioen berri eman du. 2013, 2014 eta 2015. urteetan jaiotako adingabeentzako magia tailerra euskaraz emango da. Lau saio izango ditu eta liburutegiko hirugarren solairuan egingo dira 17:30etik 18:30era. Bestalde, eskulanen tailerra ere euskaraz emango da, eta 2019an eta 2020an jaiotako adingabeentzat izango da. Beste lau saio egingo dira.

Tailer hauek doakoak dira eta horietako edozeinetan izena emateak, plaza lortuz gero, lau saioetara joateko konpromisoa dakar. Plazak mugatuak dira eta izena martxoaren 29ra arte eman daiteke onlineko agiri baten bidez. Programatutako datak eta ordutegiak www.ermua.eus webgunean kontsulta daitezke.