Joan den ostiralean, martxoaren 21ean, ireki egin zuen Durangoko Udalak San Fausto Auzoko Ramón Rubial kalea, bertan egindako espazioa berritu ostean. Espazio hau PEOU-2 San Fausto urbanizazio eremuaren parte da, promotore pribatuek finantziatua, eta udalak jaso duena lanak amaitu ondoren.
Lanetan egindako hobekuntzen artean, 3,5 metro zabaleko oinezkoentzako espaloia, sistema berri bat duen argiztapena eta 17 aparkaleku plazaren sorrera nabarmentzen dira. Horrez gain, oinezkoentzako pasabide bat eraiki da Ramón Rubial galtzadaren gurutzaketa segurua errazteko, pertsona guztientzako mugikortasun irisgarriagoa sustatuz. Espazio horrek Montorreta eta Zirarmendieta kalea lotzen ditu, eta inguru horretan eraikitzen ari diren etxebizitza berrien ondoan dago: 102 etxebizitzako bizitegi-multzoa, 4 eraikinez osatua. Eraikin hauek lurpeko bi solairu, beheko solairua, goiko bost solairu goikoak eta estalkiko solairua izango dituzte. Lursailaren azalera 2.037,00 m2 da.
PEOU-2 San Faustoaren 2. faseko lanek 739.656,07 euroko aurrekontua izan du. Ekintza honen helburua hiri-instalazioak hobetzea eta auzoari espazio publiko seguru eta erabilgarriagoa eskaintzea da.
Mireia Elkoroiribe alkateak eta Sara Oceja Hirigintza zinegotziak adierazi dute "espazio berritu honek ez du soilik gure bizilagunen irisgarritasuna eta segurtasuna hobetzen, baizik eta etengabe hazten ari den udalerriarentzako beharrei ere erantzuten die. Ingurunea hobetzeaz gain, inguruko etxebizitzen eraikuntza sustatzea da helburua. Lanean jarraitzen dugu Durangok aurrera egin dezan, non bizi-kalitateak eta garapenek elkarrekin bat egingo duten, gune publiko eta zerbitzu guztiak durangar guztien ongizate eta gozamenarentzako izango direla bermatuz."
