Aste honetatik aurrera erabili ahal izango da Abadiño eta Durango lotuko dituen oinezkonetzako konexio seguru eta osoa ahalbidetuko duen bidea. Lan horiek 2023ko amaieran hasi ziren, eta guztira 149.159 euroko inbertsioa egin behar izan dute.
Izan ere, Durangoko Udalak Abadiñoko mugaraino luzatu ditu Faustekaleko espaloiak, eta, horregatik, lanak jarduketa horretara egokitu behar izan dira Muruetan, oinezkoentzako ibilbideak ere indartuz, bi udalerrien arteko mugikortasunari jarraipena emateko. Urbanizazio-proiektuak, gainera, Astolatik datorren eta Durangorekin lotzen den bidegorria egitea jasotzen zuen.
Obraren zatirik garrantzitsuena espaloiak zabaltzearekin eta luzatzearekin lotuta dago, espaloirik ez zegoen tarte batean; beraz, gaur egun errepidearen bi aldeetan daude espaloiak, eta, beraz, ibilbide irisgarria, jarraitua eta segurua da.
Jarduketa horren barruan hobekuntzak egin dira saneamendu-sarean eta udal hornidura-sarean. Azken hori berritu eta ondoko udalerriarekin konektatu da. Era berean, Muruetako 17. eta 19. etxebizitzetarako hartuneak aldatu dira. Obra osatzeko, kale-argi berriak instalatu dira 12. zenbakiaren aurrean, eta errepidea zeharkatzen zuen behe-tentsioko linea elektrikoa lurperatu egin da.
“Asko dira Durangora oinez doazen pertsonak, eta espaloirik gabeko tarte arriskutsu bat zegoen. Une honetan Durango eta Abadiño konektatuta daude, eta posible da oinez modu seguruan joatea. Logikoa denez, obra beste udal zerbitzu batzuk hobetzeko baliatu da”, adierazi du Jose Luis Navarro Hirigintza zinegotziak.
“Obrak egiteko norbanakoekin, enpresa eraikitzailearekin eta Durangoko eta Abadiñoko udalekin negoziazioak eta akordioak behar izan dira. Inguruko segurtasuna eta irisgarritasuna nabarmen hobetu dira, baita zerbitzuak ere. Horrela jarraitu behar dugu lanean”, azpimarratu du Mikel Urrutia alkateak.
