Urtero bezala, Santurtziko Udalak martxan jarri du udalekuen programa berria. Aurten, 'Colonias abiertas 2024 Udaleku irekiak' izeneko ekimena herrian erroldatutako 2013 eta 2018 urteen artean jaiotako ume eta gazteei bideratuta egongo da. Dagoeneko zabalik dago izena emateko epea.
Bi talde egingo dira adinaren arabera. Udalekuetan parte hartzeko beharrezkoa da udalerrian erroldatuta egotea 2024ko apirilaren 1a baino lehen. Santurtziko Udalak 700 plaza eskainiko ditu Udalekuak 2024 udako kanpainarako, eta horietatik %5 erreserbatuko da gutxienez % 33ko desgaitasuna eta/edo ofizialki aitortutako mendekotasun-gradua duten eta horrelako jarduera batean behar bezala integra daitezkeen adingabeentzat. Hezkuntza-premia bereziak dituzten haurrek irakaskuntza integratuko (IBI) ikastetxeetan egin beharko dituzte ikasketak.
Izena emateko eskaerak
Maiatzaren 8tik maiatzaren 17ra arte, honako esteka honen bidez bete ahal izango da eskabidea.
Eskabide-kopuruak plaza erabilgarriak gainditzen baditu, maiatzaren 23an egingo da zozketa, eta maiatzaren 24an argitaratuko da Santurtziko Udalaren web-orrian (Hasiera).
Ordainketa
Udalak ordainagiri bat egingo du adingabearen ordezkariaren izenean, eta eskuragarri egongo da zerrendak argitaratu eta hurrengo egunetik aurrera.
Ordainagiriak igorri ondoren, ez da eskaeretan aldaketarik onartuko. Plaza lortu eta kuota ordaindu ondoren, ez da itzuliko, justifikatutako arrazoiren batengatik izan ezik, betiere gorabehera behar besteko aurrerapenaz jakinarazi bada. Eskolako nota txarrak ez dira itzultzeko arrazoi.
Bilera
Udalekuak hasi aurreko astean bilera bat egingo da, txanda, menu eta txangoen programaren berri emateko, eta sor daitezkeen zalantzak argitzeko.
