Getxoko Udalak 157.500 euroko aurrekontua bideratuko du aurten 2023-2024 ikasturteko Hezkuntzako gastu orokorretarako dirulaguntzetarako, iaz baino 7.500 euro gehiago. Gaur bertan ireki egin da familiek dirulaguntza horiek eskatzeko epea, eta azaroaren 6ra arte egongo da zabalik.

Laguntza horiek, gutxienez 2023ko urtarrilaren 1etik udalerrian erroldatuta dauden herritarrek eskatu ahal izango dituzte, antzinatasun berean erroldatutako eta eskolatutako seme-alabak baldin badituzte, Haur Hezkuntzako bigarren ziklotik (hiru urte) DBHko mailara arte (barne).

Mihaela Jilavu Hezkuntza zinegotziak laguntza horien garrantzia azpimarratu du, “familia askoren ekonomiarentzat lasaigarriak baitira. Udalak bermatu behar du Getxoko haur guztiek dutela kalitatezko hezkuntza jasotzeko aukera, inor atzean geratu gabe eta aukera-berdintasuna bermatuz. Baliabide ekonomikorik eza ez da oztopo izan behar hezkuntza bezain oinarrizko zerbitzu bat eskuratzeko orduan. Prestakuntzan inbertitzeak gure seme-alaben garapenean inbertitzea dakarrelako”.

Familia-unitatearen 2022ko guztizko urteko diru-sarrera gordinek, ezin izango dituzte muga hauek gainditu: 58.947 euro bi laguneko familia-unitateak; 62.222 euro hirukoak; 65.882 euro laukoak; 70.000 euro bostekoak; eta 74.667 euro sei edo hortik gorakoak.

Dirulaguntza eskaera bakoitzerako banaka ezarriko den diru-zenbatekoan datza. Zenbatekoa zein den finkatzeko, kontuan izango da seme-alabak zein maila ikasten ari diren: Lehen eta Haur Hezkuntzarako 75 euro izango da zenbatekoa seme-alaba bakoitzeko eta 125€ Bigarren Hezkuntzarako. Familia-unitateak jaso dezakeen gehiengo kopurua 350 eurokoa da.

Aurkeztu beharreko eskabidean, behar bezala beteta, familia-unitateko pertsona guztiek Getxoko Udalarekiko, Ogasunarekiko eta Gizarte Segurantzarekiko zerga-betebeharrak egunean dituztela adierazten duen erantzukizunpeko adierazpena sartu beharko da. Horrez gain, elkarbizitzako unitateko kide guztien datu pertsonalak uzteko baimena entregatu beharko da. Adingabeen kasuan, baimena legezko ordezkariak sinatu beharko du.

Eskatutako dokumentazioa Administrazio Elektronikoaren Bulegoaren bidez aurkeztea gomendatzen da, izapideak egitea errazagoa baita. Posible ez den kasuetan, Herritarren Arretarako Bulegoetan, aurretiko hitzordua eskatuta 94 466 00 00 telefono zenbakian.