Berrikuntzekin dator Bilboko Udalaren kultur-agenda datorren astean

Astero bezala, Udalak ezagutzera eman ditu astelehen honetatik hurrengo igandera bitartean urian garatuko diren kultur-ekintzak, eta BAD - Antzerki eta Dantza Garaikidearen jaialdiaren edizio berria izango da Bilboko Udalak datorren astean eskainiko duen kultur-programazioaren nobedade nagusia. Bestalde, dagoeneko ohikoak diren Expodistrito edota dantzaldiak bezalako ekimenak egingo dira baita ere.

BAD

BAD - Antzerki eta Dantza Garaikidearen Jaialdiak XXV. edizioa ospatuko du urriaren 12tik 22ra.

Urtez urte kulturaz gozatzen duenaren agendan markatu beharreko data bezala finkatua, tokiko talentu sortzaileari ezinbesteko laguntza ematen dioten hamasei hitzordu eskainiko ditu -Olfa Sendesni, Paula Gironi, CIA. Analógica, Neri (H) ari - Myriam Pérez Cazabón, La Higuera eta NODE -, Estatuko beste herrialde eta txoko batzuetako ikuskizun sorta zainduarekin (Katalunia, Kanariak, Andaluzia, Nafarroa edo Madril).

Hiriko hainbat espaziotan egingo da, hala nola La Fundición, Harrobia, Bilborock eta Campos Antzokiko Cúpula Aretoan, eta 11 estrenaldiak ekarriko ditu hirira: zortzi estreinaldiak izango dira Euskadin; bat Estatuan, eta bi erabateko tokiko estreinaldiak izango dira. Dantza - performancea, dramaturgia berriak edo antzerkia bezalako diziplinak izango dituzte protagonista.

Erakusketak

Expodistrito

Expodistrito, aldi baterako erakusketen zikloa da, eta hainbat auzotako Udaltegietan honako aukera hauek eskaintzen jarraitzen du:

Aste osoan

Otxarkoagako Udaltegia - Bizkaiko Eskultoreak. Burdinaren, zuraren eta harriaren lurraldea; eskultura solidoa, soilaren eta sendoaren lurraldea, baina baita munduari eta garai berriei irekia ere. Hori dela eta, Bizkaiko hogeita hamar eskultore baino gehiagok beren sorkuntzak, hizkuntza berrituak dituzten lan berriak, material eta estilo berriak aurkezten dizkigute. Ezagutu inguruko artistak, zure ingurunea partekatu eta artelan gisa eskaintzen dizute.

Urriaren 13tik aurrera

San Ignazio - Ibarrekolandako Udaltegia - Amaia Hernández Barcena. Airea. Argazkigintza. “Erakusketak bi aldi ditu”, dio artistak, “Lehena etxean sartuta dago, eta eguneroko bizitzako istorioak modu sortzaile eta dibertigarrian bihurtzeko erronka du. Argazki horiek formatu txikian eta lauki-formatuan aurkezten dira, konfinamenduaren metafora gisa. Bigarren aldia naturara irtetea da, pasealekuetara, itsasora eta AIRERA ateratzea, letra larriz: argazki handituak eta markoan jarriak”.
Begoñako Udaltegia - Miren Ruiz Bonaetxea. Retratos De Lo Efímero. Urmagoa. Baliteke egun guztiak onak ez izatea... baina egun guztietan dago zerbait ona. Une, instant batzuk daude, edertasun handiz beteak. “Pintura gozatzen dut, abstraitu egiten naiz berarekin, une txarrak ahaztarazten dizkit eta zoriontsu sentiarazten nau. Zuen gustukoa izatea espero dut”, dio artistak.
Castañoseko Udaltegia - Isidoro Cereceda Grijalba. Urmargoa zuri-beltzeko argazkietan. Isidoro Cerecedak, irudi publizitarioan, erretratuan eta paisaian aditua, Kubari buruzko argazki proiektu hau aurkezten du. Karibeko uharteko paisaien kontraste handiek kromatismo berezi eta erakargarria hartzen dute erabilitako teknikarekin.
Santutxuko Udaltegia - Begoña Sánchez Urbaneta. Nalu Aloha. Naturaren artea. Erakusketa honen bidez, artistak ongietorria eman eta ikusleak elementu naturalak dituen marrazkien eta materialen olatu sentsorial batean murgildu nahi ditu.
Errekaldeko Udaltegia - Ruben Gómez Arroyo. Argazkigintza. Argazkilari gazte honek leku ezkutuekiko eta misteriotsuekiko grina erakusten digu; xehetasunak eta fauna erakusten dizkigu, gure irudimenarekin jolastuz. Kolore deigarrien eta tonu ilunagoen arteko kontrasteak sentsazio eta ilusio optikoen mikrokosmos batean murgiltzen gaitu.
Abandoko Udaltegia - Andoni Lubaki Ucrania: La Vieja Guerra de la Nueva Era – Argazkigintza. Urretxu, 1982. Argazkilari independentea, ezaguna dena mundu osoko gatazka-eremuei buruzko erreportajeak egiten dituelako; komunikabide garrantzitsuetan argitaratzen ditu bere lanak eta hainbat sari lortu ditu. 2014az geroztik, aldian-aldian Ukrainara joaten da, eta zuri-beltzeko argazkien erakusketa hau sortu du, gatazka giza ikuspegitik kontatzeko. Bere lanak egungo egoeraren irakurketa kritikoa egiteko balio du.

Ondarea

Bilbao Izan

Gerra Zibila izan da udaberri eta uda honetan "Bilbao Izan" udal programaren barruan antolatu diren bisita gidatuen ardatza.

Orain, programak jarduera kultural eta ludiko berriak proposatzen ditu, auzotarrek Uriko gerra historiko hau nola bizi izan zen hobeto ezagutu dezaten.

Ginkana: Gerra Zibila Bilbon (Gure historia babesten) Topagunea: Casilda Iturrizar parkean, Pergolan.

Urriak, 13 17:00etan (gasteleraz) 18:30ean (euskara)
Urriak, 14 12:30ean (gasteleraz) 17:00etan (euskara)
Urriak, 15 12:30ean (euskaraz) 17:00etan (gasteleraz)

Ginkana kulturala da eta, horren bidez, Gerra Zibilak Bilbon ekarri zuena sakonago ezagutzeaz gain, gure dedukzio-gaitasunak ondo baino hobeto probatuko ditugu. Misioa behar bezala betetzeko, gerra lehen pertsonan ezagutu zuten pertsonen eta pertsonaien laguntza izango dugu, benetakoak eta fikziozkoak.