Datorren astean ospatuko da Bilbao Arte Sakratua musika-zikloa

BILBO. Hemen da BAS, Bilbao Arte Sakratua izeneko eliz musikako zikloaren hamazazpigarren edizioa. Bilboko Enkarnazio elizak apirilaren 27tik maiatzaren 1era bitartean jasoko du 'Zeremonia' izena daraman musika-ekitaldia.

17. edizioa betetzen duen Musika Jaialdi honek bost talderen emanaldiak eskainiko ditu, nazioarteko eta tokiko musikari garrantzitsuekin. Qvinta Essençia, Ganbera Abesbatza, Iruñekoa, Accademia del Piacere, Le Poème Harmonique eta De Caelis taldeek garai guztietako eliz musikako errepertorioa interpretatuko dute.

Berriro ere, Bilboko Udalak zuzeneko arteen programazioaren alde egiten du, eta BAS ziklo horren bidez, kulturen arteko hurbilketa, trukeak eta harremana balioan jarri eta bultzatzen ditu.

SARRERAK

Bost emanaldiak Atxuriko Enkarnazio elizan izango dira, 19:00etan.

Sarrerak 6 eurotan jarriko dira salgai bihartik aurrera (martitzena, apirilak 20) leku hauetan:

Arriaga Antzokian:

• Lehiatilan:astelehen, martitzen, zapatu eta domekan: 11:30 -14:00 / 17:00 -19:00; eguazten, eguen eta barikuan: 11:30 -14:00 / 17:00 - 20:00
• Web-orrian

Kutxabank-eko orotariko kutxazainetan.

Enkarnazio Elizan, kontzertu bakoitza baino ordu bat lehenago (18:00), sarrerarik geratuz gero.

#BILBAOUDABERRIA2021

BAS-Bilbao Arte Sakratua-ren edizio berri hau #BilbaoUdaberria2021 ekimenaren barruan dago. Ekimen horren bidez, Bilboko Udalak antzerki, musika, erakusketa, kontzertu edo literaturaz bete nahi du uria.

Udalak gogorarazi du indarrean dauden babes eta higiene neurriak zorrotz bete behar direla. Gainera, emanaldietan nahitaezkoa izango da maskara erabiltzea.