BILBO. Bilboko Udalak Bilbobusen E1 linea berezia abiaraziko du larunbatean, urtarrilaren 7an, RETAbet Bilbao Basket eta Herbalife Kanaria Handia taldeek 18:30etik aurrera Bilbao Arena pabiloian jokatuko duten Endesa Ligako partida ikustera doazenen joan-etorriak errazteko.
Horrela, autobusak hamar minutuan behin irtengo dira Plaza Biribilaren ingurutik partida hasi baino ordu bat lehenagotik. Neurketa amaitutakoan, Bilbao Arenako geralekutik (Askatasuna/Gortazar) Hurtado Ametzaga 1 geralekura joango dira autobusak, hamar minutuan behin eta geralekuan jendea geratzen den bitartean.
Zerbitzua arintzeko, Bilboko Udalak jakinarazi du autobus zuzenek geldialdi bakarra egingo dutela Bilbao Arenara heldu aurretik Hurtado Ametzaga 50 geralekuan joanekoan eta Hurtado Ametzaga 15ean etorrian.
Azkenik, Bilbao Arenatik 500 metroko inguruan metro, tren edo tranbiako geralekuak daudela gogorarazi du Bilboko Udalak, hiriko auzoetara eta inguruko udalerrietara lotura zuzenak dituztenak. Gainera, partida dagoen egunetan taxi geraleku berezia jartzen da Askatasuna Etorbideko 11n.
