Bizkaiko Foru Aldundiak haritz-landareak eskainiko dizkie udalerriei, martxoaren 21ean ospatzen den Basoen Nazioarteko Eguneko ospakizunen barruan egingo diren landaketetan erabil ditzaten. Foru Aldundiak bultzatzen duen Haritza izeneko proiektuaren barruan sartzen da ekimen hau. Europar Batasunaren laguntza du, EGEF Programaren bidez. Udal bakoitzarentzat ezarritako gehienekoa hektarea bateko landaketari dagokiona da.
Ekimen hau Foru Aldundiak bultzatzen duen Haritza izeneko proiektuaren barruan sartzen da. Europar Batasunak EGEF Programaren bidez emandako laguntzarekin sustatzen du foru-erakundeak.
Landareak eskuratu nahi dituen udal bakoitzak gehienez ere 1.000 landare eskatu ahal izango ditu ekimen honetan, hau da, hektarea bat betetzeko behar direnen baliokidea. Hala ere, udal bakoitzak dituen premien arabera egokitu ahal izango du bere eskaera, betiere ezarritako muga horren barruan. Kimu guztiak Quercus Robur (bertoko haritza) espezie autoktonokoak dira.
Aste honetan hasi da ekimen honen berri ematen udalerriei, eta harremanetan jartzeko telefonoak eta landareak Basalan foru-sozietate publikoak kudeatzen duen Martintxune mintegian jasotzeko prozedura azaldu zaizkie. Izan ere, haietako zazpi udalerriek eskatu dituzte dagoeneko: Bedia, Berango, Dima, Lemoa, Lezama, Mendata eta Morga.
Europar Batasunak Haritza izeneko proiektua garatzeko laguntza ematen du EGEF programaren bidez, eta azken urteetan egiten ari diren landatzeko eta natura leheneratzeko lanen % 40 finantzatzen du.
