Udalbatza aretoan

46 kirolarik jaso dituzte Donostiako Urrezko Kirol Txartelak

Saridunen 34ek Espainiako txapelketan podiuma lortu edo Europa zein munduko mailako txapelketetan parte hartu zuten

10.01.2020 | 11:26
'Urrezko Kirol Txartela' lortu duten kirolariak.

DONOSTIA. Atzo, urtarrilak 9, Donostiako Udaleko udalbatza aretoak Donostiako Udalak eta Donostia Kirolak urtero ematen dituzten Urrezko Kirol Txartelen banaketa hartu zuen. Beran, iazko, 2019ko donostiar kirolaririk nabarmenduenak euren esker ona jaso zuten. Ekitaldian, guztira, 25 modalitate egon ziren ordezkatuta, eta 46 kirolarik jaso zuten euren saria.

Ekitaldi honetan hogeita bost kirol modalitateak egon ziren ordezkatuta, eta guztira berrogei eta sei Urrezko Kirol Txartelak banatu dira: 34 Espainiako txapelketan podiuma lortu duten edo Europa zein munduko mailako txapelketetan parte hartu duten kirolariei; eta beste hamabi bere modalitateko ligan lehengo postua lortu edo Espainiako txapelketa edo Kopa irabazi duten taldeei. Sari honek 2020 urtean zehar Kirol Txartelako harpidetza dohainik kirolari bikain hauentzat berekin ekartzen du. Beraz, doako harpidetza hau 160 kirolarik eskatu ahal izango dute.

Aurten ere Donostiako kirolari nabarmenen zerrenda honetan dauden emakumeen kopuru handia azpimarratu behar da, gero eta handiagoa baita eta dagoeneko zerrendaren %60a suposatzen du. Honek hirian emakumeen kirolak duen garrantzia islatzen du, Donostia estatu mailan erreferente bihurtu baita. Horren haritik, banakako emakume kirolariez gain, liga edo kopa irabazi duten bost emakumeen taldeak azpimarratu behar dira (Bera Bera Eskubaloia, Atletico SS- Piraguismoa, Real Sociedad – Futbola, Txuri Berri Curling, Gimnasia Rítmica Donosti); eta beste bi Europako txapeldunak edo txapeldunordeak izan dira (Atletico SS – Softbola eta Real Sociedad – Belar Hockeya).