'Dark girls' izango da FANT jaialdiaren gaurko proiekzioa
Asteazken honetan, maiatzak 10, proiektatuko da Golem – Alhóndigako zinemetako 2 aretoan Allan J. Arcalek, Carlos Marbanek, Toni O. Pratsek eta Bel Armenterosek zuzendutako 'Dark Girls' filma, FANT jaialdiaren markoaren barruan. Gaur goizean, prentsaurreko batean aurkeztu dute filma Allan J. Arcal filmaren zuzendariak eta José Manuel Arjona produktoreak, Justo Ezenarro jaialdiko zuzendariarekin batera.
'Dark Girls' beldurrezko istorio klasiko bat da, beldurrik eta sentimendurik oinarrizkoenetara jotzen duena. Publikoa baso batean dagoen kanpamendu batean kokatzen du, monitore berri bat iristen denean, eta lau neska ezagutzen dituenean, lau kontakizun beldurgarri kontatzen dituztenak.
Film luze honetako lau zuzendariek 80ko hamarkadako beldurrezko zinemarekiko maitasuna partekatzen dute. “Dark Girls”-ek mundu erdiko zinemaldietan poz gehien eman dieten euren film laburren istorioak sartzeko eta bateratzeko aukera eman die.
Pelikula gaur ikusi ahal izango da Golem – Alhondigako zinemetan, 2 aretoan, 19:45ean (doako sarrera) eta IKUSPEGI FANTASTIKOA sailean parte hartzen du “Al Impenetrable” (2023, ARG, Sonia Bertotti); “Malleus” (2023, ITA, Rafael Zabala). “The Bystanders”, (2022, R.U, Gabriel Foster); “La Paradoja de Antares” (2022, ESP, Luis Tinoco); “Voyages en têtes étrangères” (2022, FRA, Antonio Amaral); “Para entrar a vivir” (2022, ESP, Pablo Aragüés Marta Cabrera); eta “Matando el tiempo” (2022, ESP, Norberto Ramos) filmetik batera.
Fitxa teknikoa
- Zuzendaritza: Allan J. Arcal, Toni O. Prats, Bel Armenteros, Carlos Marbán
- Gidoia: Allan J. Arcal
- Produkzioa: José Manuel Arjona, Víctor Paniagua, Allan J. Arcal
- Musika: Jesús Calderón
- Muntaia: Carlos Borrego, Óscar Gómez Maroto, Jesús Ramé
- Antzezleak: Anastasia Russo, Anna Coll Miller, Alma J. Cerezo, Elena González, Aitana Roleytana, Sara Belmonte