Abenduaren 21ean

Marisa Amigok bere liburu berria aurkeztuko du Bidebarrietan

17.12.2020 | 21:32
Marisa Amigo idazleak bere liburu berria aurkeztuko du Bidebarrietan.

BILBO. Datorren astelehenean, abenduak 21, Marisa Amigok bere liburu berria aurkeztu egingo du Bidebarrieta Kulturgunean, 'El misterio del cisne negro. Rara avis' izenekoa. Hurrengo egunean, asteartean, aldiz, musika izango da protagonista nagusia Bidebarrietan, Fetén Fetén eta Josu Gonzálezen kontzertuarekin.

  • Abenduak 21, astelehena, 19:00etan

Bidebarrieta Kulturgunea aukeratu du Marisa Amigok bere ipuin-liburu berria 'El misterio del cisne negro. Rara avis' aurkezteko. Gonzalo Olabarria, Bilboko Udaleko Kultura eta Gobernantzako zinegotzia, izango da hitzorduaren aurkezlea eta berarekin Naiara García de Andoin, Sanfilippo Sindromea duten hiru haurren ama eta San Filippo Fundazioko kidea, izango da.

'El misterio del cisne negro. Rara avis' liburuan, antzinako gutun bat eta hitz misteriotsuekin egindako marrazki bat - RARA AVIS - dira zisne beltzaren misterioa argitzen saiatzeko istorio honetako protagonistek izango dituzten aztarna bakarrak. Javier, Gabriele, María, Noam, Kirsten eta Pablo ikertzaile nekaezinak dira, eta, marrazkiaren letra bitxiei jarraituz, Bilboko Uriak ezkutuan dituen pistak eta Rara avisen misterioa gordetzen duten eliza misteriotsuenak bilatuko dituzte.

'El misterio del cisne negro. Rara avis' liburuaren autorea María Luisa Amigo Fernández de Arroyabe da. Idazlea Bilbon jaio zen eta Filosofian doktorea eta Deustuko Unibertsitateko katedradun emeritua da. Aisialdiaren eta filosofiaren inguruko hainbat liburu idatzi ditu, baita hainbat ikerketa-artikulu ere, besteak beste, Juan Ramón Jiménez poetari buruzkoak.

Azken urteotan, 'Araitz, Ixone y Unai en el parque de los patos' edo 'Platero y las palabras olvidadas' bezalako ipuinak argitaratu ditu. Duela lau urte 'Misterios en la Universidad' argitaratu zuen, 'El secreto de CAVE CANEM', eta ondoren, 'El tesoro de los sabuesos' eta 'El hallazgo de las joyas escondidas', Deustuko Unibertsitatean garatzen den trilogia. 'Piratas en el colegio' liburua ere argitaratu du. Liburu berriaren ekintza, 'El misterio del cisne negro. Rara avis' Bilboko kale eta eliza ezagunetan girotzen da.

Ipuin horiek guztiek Sanfilippo sindromea duten Bilboko haur batzuen kausa babesten dute; izan ere, egileak gaixotasun horrekin egin du lan azken urteotan.

  • Abenduak 22, asteartea, 19:00etan

Fetén Fetének, bere laugarren lana argitaratu eta Fito & Fitipaldisen biran gonbidatu gisa parte hartu ondoren, eta Jou Gonzálezek, Doctor Deseoren saxofoi-jotzaile eta klarinetistak, bat egin dute Bidebarrietako liburutegira eramateko joan den udan Munsterreko Summerwinds jaialdian arrakasta izan duen musika-proposamen zoragarri, fresko eta energiaz betea. Sarrerek 5 euroko prezioa dute eta dagoeneko salgai daude www.bilbaokultura.eus helbidean.

Jorgek, Diegok eta Jouk ikusleak gonbidatu dute Feten munduaren inguruko bidaia zirraragarri eta dibertigarri batera. Ustekabez betetako kontzertua emango dute, eta, ohiko tresnak eta ohiz kanpoko beste batzuk erabiliz, gazte eta txikiak dardararazi, hunkitu eta barre eginaraziko dute.

Jou Gonzálezen energiak eta Jorge eta Diegok herri-musikaren birsorkuntzan egiten dituzten interpretazioen freskotasunak eta berezkotasunak konplizitate bat ematen diote artista talentudunen hirukote honi, eta musikak eta ikus-entzuleek ere parte hartzen dute. Eszenatokiaren gainean irudimena eta sormena, musika dantzagarria inprobisazioarekin, Jou Gonzalezen haizeak, Jorge Arribasen akordeoia eta Diego Galazen biolina batzen dira.