BILBO. EGOk Stravinski eta Rakhmaninov interpretatuko ditu udako denboraldian. "Suzko txoria" (1945eko suitea) eta Serguei Rakhmaninoven "Pianorako eta orkestrarako 2. kontzertua" dira pubblikoaren aurrean antzezteko bi obrak. Guztira, lau kontzertu eskainiko ditu EGOk, Hondarribian, Gasteizen, Donostian eta azkenik Bilboko Euskaldunan.
Lehena Hondarribiko Itsas Etxea auditoirumean izango da, datorren larunbatean, uztailaren 21ean. Ondoren, orkestra gazteak Gasteizko Principal Antzokia, Donostiako Kursaal eta Bilboko Euskalduna bisitatuko ditu, hilaren 22, 23 eta 24an, hurrenez hurren. Emanaldi guztiak 20.00etan hasiko dira.
Kontzertuak prestatzeko, EGOk hasiko larunbatean, uztailaren 14an, Eibarko hezkuntza gunean (Gipuzkoa), Juan José Ocón zuzendari artistikoaren gidaritzapean. Irakasleak, aldiz, Catalín Bucataru eta Christian Ifrim (biolina), Francisco Regozo (biola), Damian Martínez (biolontxeloa), Ander Perrino (kontrabaxua), Hervé Michaud (haizea, zura), Rodolfo Epelde (haizea metala) eta Jorge Pacheco (perkusioa) izango dira.
Arduradunek nabarmendu dutenez, panorama sinfonikoko "edertasun eta zailtasun handieneko programetako bat" da musikari gazteek interpretatuko dutena.
EGOren xedea da musikari gazteek errepertorio profesionala izatea, programazio konplexu baten bitartez. "Gainerako hautagaiek dituzten aukerekin parekatzeko tresna pedagogikoak eskaini behar dizkiegu gure gazteei, ez baitago merkatu hain gogor eta orokorrean lehiakorrak izateko beste modurik", adierazi dute orkestraren arduradunek.
